YESAYA 1:25 - Alkitab Singog In Mongondow Masa In Tanaa

²⁵ Aidan-Kubí intua kon i monimu. Naonda bo intau motubá kon logam, moiko in tubáan-Ku; bayongan inta nokotor ḷumbúon-Ku nongkon inimu.

YESAYA 1:25 Mawu Ofanana

MAZMUR 119:119

Bayongan in intau moraat in inanggapkubí yoyatan, tuamai in akuoi in moibog kon atorang-Mu mita.

YESAYA 1:22

Yerusalem, dungkuḷmai iko in naonda bo saḷaka, táe tanaa iko in diádon koboḻi. Dungkuḷmai iko naonda bo anggur inta moromimit, táe tanaa in nádon tubig inta noḻiau.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 4:4

Pongin kawasa-Nea ki Tuhan in monisigbí bo mopomurni kon umat-Nea. Sia in mondaritbí kon Yerusalem nongkon dugú in intau mita inta iḻimod kon kotá tatua.

YEREMIA 6:29

Poḷoḷoḷangan in nopatúdon totok, táe kotoran in logam diá doman moḷoḷayat bo moinggamá. Diá in mangaḻenea umat-Ku umuranbí tungkuḷan sin pomurnion, sin intaunea mita inta moraat diá iḷumbú.

YEREMIA 9:7

Tuamai in ki Tuhan Inta Totok in mokawasa in noguman, “Naonda bo logam, umat-Ku in tungkuḷan-Ku sinbá mosia in mobaḻí momurni. Onupa in motaau-Ku aidan kon umat-Ku inta ain nogaid kon inta moraat?

YEHEZKIEL 20:38

Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”

YEHEZKIEL 22:19

Dá tanaa, Akuoi, ki Tuhan Inta Totok in moḷantud, moguman kon i monia kon mosia in naondadon bo logam inta diá in mangaḻenea tua. Naonda bo saḷaka, porunggu, uatoi, tangat morondí, tangat mobudó binonu kon pototubáan sin pomurnion, natua doman in mosia sipunon-Ku bo diaan kon Yerusalem. Torú-Ku inta motoyang tua in mopoḷoḷayat kon i monia naonda bo mopoḷoḷayat in logam mita tatua.

YEHEZKIEL 22:22

Naonda bo saḷaka iḷoḷayat kon bonu in tuḷú, yo natua doman in mosia poḷayaton kon Yerusalem. Dá kotaauandon monia kon Akuoi, ki Tuhan, ain nopoḷuai in torú-Ku kon i monia.”

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

MALEAKHI 3:3

Sia in mamangoi sin mohakim, naonda bo intau inta mondarit bo mopomurni in saḷaka. Naonda bo intau momomia kon logam mopomurni in buḷawan bo saḷaka, natuata in totabá i Tuhan in mopomurni in imang mita sinbá mosia in moposumba in kuruban mita podudui kon onu inta kinoibog i Tuhan.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.