YESAYA 1:15 - Alkitab Singog In Mongondow Masa In Tanaa

¹⁵ Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YESAYA 1:15 Mawu Ofanana

DATU MITA IMITÁNEA 8:22

Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ

DATU MITA IMITÁNEA 8:54

Naonda in ki Salomo nopaḷut mako nopoyaput in sambayang bo oigum kon tayowon in mezbah i Tuhan takin notonggó kon ḻima, sinimindogdon in sia

EZRA 9:5

Naonda in kuruban ḷoḷabungnea nomangkoidon pinosumba, sinimindogdon in akuoi nongkon iḻitúanku koina bo takin ḷambung inta noberak, sinumungkud in akuoi bo nopotonggó in ḻimaku kon i Tuhan Allahku.

AYUB 27:20

Inta motoyang noidantug naonda bo ḷunud moḷoben inta daḻí noiangoi. Tompot moropot kon dodai in doḷom nogirup nodia kon inia minayá.

AYUB 35:13

Diá in baragunanea in karakan monia imibo-ibog; ki Inta Totok in mokawasa diá nokoontong andeka mokidongog kon i monia.

MAZMUR 134:2

Tonggó in ḻimamu potundú ná tampat motusi, bo dayowdon in ki Tuhan!

MAZMUR 55:1

Kon i itoi in mododondong. Takin ito-itog kecapi. Dondong topotundú i Daud.

MAZMUR 66:18

Aka kuma bo mopia in ginaku in monomayá kon aid moraat, yo notantúbí kon doíbí in ki Tuhan mokidongog.

IḶUAIAN 9:29

Guman i Musa kon i datu, “Naonda in ḷuaiku kon kotá tanaa, akuoi in buidon motonggó kon ḻima sin mosambayang kon i Tuhan. Gotup in mogogaidon bo uyan eis in mooḷá domandon, sinbá kotaauandon i Tuangku kon dunia naa in ki Tuhanbí in kitogi.

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

YESAYA 4:4

Pongin kawasa-Nea ki Tuhan in monisigbí bo mopomurni kon umat-Nea. Sia in mondaritbí kon Yerusalem nongkon dugú in intau mita inta iḻimod kon kotá tatua.

YESAYA 45:15

Ki Allah inta noposaḷamat kon Israel in ki Allahbí inta nogadop.

YESAYA 58:4

Koyogot in mopuasa, mobobayowan in moiko bo moropatoi bo mopobayá in oaidan takin romú. Kai monimu kamai dá popopuasa monimu in mokoḻiaibí kon gina-Ku sinbá mokidongog kon sambayangmu mita?

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YEREMIA 4:31

Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

YEHEZKIEL 11:6

Totuudon mobayong in intau inta ain iḻimod monimu, nodapot in daḷan mita in kotá nopuḻingdon in mayat.

YEHEZKIEL 14:3

“Ei intau inta ilo-ilow, intau mita tanaa in noposarakandon in awaknea mita kon berhala nodapot in mosia in irumobudon kon dosa. Yo umpaka dá moibog in Akuoi poḻibóan monia?

YEHEZKIEL 39:23

Bo bayongan in intau in monotaaudon kon intau in Israel in pinotabá minayá in pinoḷumbúan popisí in dosa monia kon i-Nakó. Mosia in sinaḷáan-Kudon bo pinomayá-Kudon mako in sinaḷow in musung bo iḻimod kon pinoparangan.

HOSEA 5:6

Mosia in minayá notayak kon i Tuhan kodia-dia in domba bo sapi sin pokuruban, táe tua komintan in diábí in mangaḻenea. Sin ki Tuhan in nonaḷámaidon kon i monia, bo diábí mouḻí monia in Sia.

MIKHA 3:4

Moiangoibí in wakutunea moiko in momaḷú mokituḷung kon i Tuhan, táe Sia in doíbí motubag. Sia in doíbí mokidongog kon sambayangmu mita, popisí in moiko in nogaidon kon inta moraat.

ZAKHARIA 7:13

Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 6:7

Ná doman tua aka iko mosambayang, yo donaaidon ḷanggo-ḷanggóon naonda bo kabiasaan in intau inta diá nonotaau kon i Allah. Sin sinangka monia aka sambayang bo moḷanggó yo tua in tarimaan i Tuhan.

YOHANES 9:31

Kinotaauanbí naton kon ki Allah in diábí mokidongog kon intau mita inta binaradosa, táe tongábí mosia inta mohoromat kon i Allah, bo inta mogaid kon onu in kinoibog-Nea.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.