YESAYA 1:13 - Alkitab Singog In Mongondow Masa In Tanaa

^13-14 Diábí in baragunanea in podiaan kon sosumbamu tatua. Doíbí in Akuoi kon bónea. Morongó in Akuoi bo diádon mokotahang in mokoontong kon i monimu monanob kon Buḷan Mobagu, singgai mita in Sabat bo singgai mita moḷoben takin poyoyodungkuḷan in agama. Bayongan tua in ain sinamakan monimu in dosamu mita bo nobaḻídon dodiaan kon i-Nakó; moḷopídon in Akuoi in mobaba kon tua.

YESAYA 1:13 Mawu Ofanana

DATU MITA 2 4:23

“Nongonu sin mustibí mayá tanaa?” ki buḷoinea in noḻibó. “Singgai naa in deemanbí singgai in Sabat bo deemanbí doman singgai moḷoben Buḷan Mobagu.” “Diábí nongonu,” tubagnea.

TAWARIKH 1 23:31

bo muḷoi doman mako aka oyúon in kuruban angagon kon i Tuhan kon singgai in Sabat, kon Poramean Buḷan Mobagu, bo kon poramean mita ibanea. Soaḷ kobayong in intau in Lewi inta musti mogaid kon oaidan muḷoi mako, ain doman inaidan in atorangnea. Modapot in mononoi intau in Lewi musti mopobayá in oaidan tatua.

MAZMUR 78:40

Totuu mokakit in mosia in momarontak kon i-Nia, bo moposakí in gina-Nea kon tungkuḷ in kon padang gurun.

IḶUAIAN 12:16

Kon singgai inta dungkuḷ, bo kon singgai doman impitunea, moiko musti moyosipun sin moibada. Kon singgai tatua moiko diábí motaau mogaid kon oaidan onuka koḻikudbí in mogoḷud kon pongaanan.

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

AMSAL 7:14

“Singgai naa akuoi in musti moguboḻi kon dandiku, dá akuoi in noposumbadon in kuruban.

YESAYA 66:23

Pomuḷoi in buḷan mobagu bo pomuḷoi in singgai in Sabat bayongan in intau in mamangoibí sin mosumba kon i-Nakó kon Yerusalem.

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

OMBAḶ 2:6

Sia in norimumud kon baḷoi-Nea tampat pososipunan in umat-Nea sin mosumba kon i-Nia. Binaḻí-Nea in intau mokoḻiong kon singgai in Sabat bo singgai mita moḷoben ibanea. Popisí in ki Tuhan totok in sinumorú, imang bo datu in kinodoí-Neadon.

YEHEZKIEL 20:39

Ki Tuhan Inta Totok in moḷantud in noguman, “Ei intau mita in Israel, tanaa in taaudon kon inimu. Kumudungdon in mogaid kon dosa pongin mosumba kon berhalamu mita! Táe toropdon kon naonda in mopaḷut mako kon tua moiko in mustibí tumoḷutui kon i-Nakó bo diádon moporaa-raatmai kon tangoi-Ku inta motusi pongin modia kon sosumba kon berhalamu mita tatua.

HOSEA 2:11

Bayongan in bobutungannea in pogogaion-Kubí, pinomayá bobutungan taongan andeka bobutungan buḷanan bo singgai mita in Sabat; impoḷok mako in singog, bayongan in bobutungan in agamanea.

YOËL 1:14

Parentaaidon in umatmu mopuasa, Potaaudon in poyodungkuḷan moḷoben! Oinídon in itoi mita bo guhanga mita in ḻipú bo bayongan in intau inta nogutun kon Yohuda, sinbá mamangoi kon Baḷoi i Allah, sin mokuani mokituḷung kon i-Nia.

YOËL 2:15

Irupdon in torompet kon Sion, buḷud i Allah, pobaḷúdon singgai popuasaan, aidaidon in poyodungkuḷan moḷoben.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

PINOGIAPAN 10:2

“Pomia kon torompet doyowa inta nongkon saḷaka tontaḷon sin pakéon pogoinían kon umat moyosipun andeka mopotabá kon i monia mayá.

MATIUS 15:9

Diábí in mangaḻenea posumbaan monia kon i-Nakó, sin onu in sinundú monia tua atorangbí in intau.’ ”

LUKAS 11:42

Koboditodon in moiko intau mita in Parisi, sin pododungú mita, pogamaan monimu kon mopuḷú noporsen sin posukur, táe oaid mita moadil bo tabi kon i Allah in iḻiongdon monimu. Aka mogaid kon tobatú, yo ibanea in dikabí koḻiongan.

KORINTUS 1 11:17

Aka soaḷ moiduduimai naa, yo diábí dayowonku in moiko. Sin aka moyosipun mosambayang in moiko, yo deemanbí mokopoangoi kon inta mopia táe inta diábí mopia.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

PILIPI 1:15

Totuubí doman kon oyúonbí in tongonumai in kon sigad monia tua inta mopotaau in habar soaḷ ki Kristus popisí in mointoi bo moibog mobobayowan, táe oyúonbí doman in totu-totuu motuḻid in gina in nopoyaput in habar soaḷ ki Kristus tua.