YEREMIA 9:22 - Alkitab Singog In Mongondow Masa In Tanaa

²² Mayat in noiukatdon magí-mako naonda bo apat kon tudu in butá; naonda bo gandum inta ain iratab bodongka sinaḷáan bo diádon sinipun bui. Tuata in koyow i Tuhan inta musti potaauku.”

YEREMIA 9:22 Mawu Ofanana

DATU MITA 2 20:13

Ki Hizkia in notomu kon totabá mita tatua bo nopoontong kon i monia in bayongan in kooyúonannea, inta buḷawan bo saḷaka, pododungú mita bo ḷana mobondu, bo bayongan in pakakat in tontaranea. Diábí in tobatúmai in kon komaḻig bo kon bayongan in dodatuan nea inta diá pinoontong kon i monia.

DATU MITA 2 20:15

“Onu in indoian monia kon komaḻig?” iḻibó bui i Yesaya. “Bayongan in yagi-yagi!” tubag i Hizkia. “Diábí in tobatúmai in kon bonu in pononagúan in komaḻig in diá pinoontongku kon i monia.”

DATU MITA 2 9:37

bo kiagat in awak tatua in moitabudon magí mako naonda bo taai in mahaḷuk dá diábí tobatúmai in intau in monotaau kon mayat i ine intua.’ ”

MAZMUR 49:7

Mosia tua in mopongata in kaoyúonannea, bo mopododia in kapunyaannea.

MAZMUR 83:10

Pomiadon in mosia naonda bo intau in Midian, naonda bo ki Sisera bo ki Yabin kon Ongkag in Kison,

AMSAL 18:11

Táe intau nooyúon mosangka kon kaoyúonanneabí in moḷukad kon inia naonda bo dinding moḷantud bo moropot kon ḻibu in kotá.

AMSAL 23:4

Dika rumoriga totok sinbá mobaḻí mooyúon. Taḷaaidon in niatmu tatua.

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YEREMIA 16:4

Mosia in matoi kotugatan in yampoi in takit inta mokopatoi, bo mosia in matoi kon poparangan andeka matoi in gogoy. Diábí tobatúmai in intau in mongombaḷ andeka moḷobong kon i monia. Mayat monia in moirarit magí mako naonda bo pupuk kon butá, bo kaanon in ḷagapan bo mahaḷuk inta mokokaan kon tapú.

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

YEREMIA 6:21

Akuoi in mokopopisíbí kon intau mita tanaa moipintud bo moḷabú. Guyanga ḷoḷaki bo adí, yobayat bo topodiug komintanbí moyopú.”

YEREMIA 7:33

Mayat mita monia in mobaḻídon kokaanon in ḷagapan bo mahaḷuk inta mokokaan kon tapú, takin diábí in motayakmai.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

HABAKUK 1:11

Bo ná koḻikat in tompot nobuatdon in intau mita inta nopongata in ropotnea tontaní tatua.”

ZEPANYA 1:17

Ki Tuhan in noguman, “Akuoi in mopoangoibí in bodito mobayong kon umat intau, dá mosia in mongokapdon naonda bo intau bilog. Mosia in binaradosadon kon i-Nakó, bo tanaa in dugú monia in moibutakdon naonda bo tubig, bo mayat mita monia in mobongkogdon kon tudu in butá.”

ULANGAN 8:17

Dá, dika mokoimontanmai in morai kon moikobí in noramuji takin ropotmu tontaní nodapot in moiko nobaḻí nobiag nooyúon.