YEREMIA 9:19 - Alkitab Singog In Mongondow Masa In Tanaa

¹⁹ Kon Sion kinodongogan in ombaḷ, “Moputú in kita bo totok in pinokopo oyámai. Butá naton musti taḷaan naton, baḷoi mita naton norimumud posirarit.”

YEREMIA 9:19 Mawu Ofanana

YESAYA 32:9

Indongogaidon, ei bobay mita inta mobiag mosanang, noiḷuat nongkon inta mororiga!

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 2:14

“Israel in deemanbí ata, deemanbí doman buí in ata. Táe nongonu sin sia in nobaḻí bidon kokaanon in musungnea?

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

YEREMIA 4:20

Bodito in mamangoi diá moobo-obot morimumud kon sinangkub in butá. Daḻídon in ḷoḷaiganku pinoguyaat, daingnea mita in binisi-bisí.

YEREMIA 7:15

Moiko in poguntunon-Ku nongkon tayowon-Ku ná inta pinogoguntun-Ku kon ginaḷum motoḷuadímu, umat in Israel.”

YEREMIA 7:19

Táe totuubí, deemanbí Akuoi in pinoyaat monia in gina, táe awakbí monia tontaní nodapot in mosia in nooyá.

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

OMBAḶ 4:15

Intau in moguman, “Bayádon nongkon naa! Nonajis in moiko, dika moḻiai kon i nami!” Dá minayádon in mosia bo nodondaḷoi nongkon bangusa tobatú minayá in bangusa ibanea, táe diábí inogoi i ineka in mogutun mokopotantú.

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

IMAMAT 18:25

Mosia ain nomia kon bayongan oaid inta mokorongó tatua, dapot in butá monia nobaḻídon nonajis. Dá i hukum i Tuhan in mosia bo diádon inogoi nogutun kon tua. Táe moiko in dika mokoimontanmai in momia kon oaid mita natua. Moiko komintan, intau Israel bo intau ango-angoi inta nogutun noyotakin monimu, musti umuran dumudui kon atorang bo parenta i Tuhan,

IMAMAT 18:28

sinbá moiko diá hukumon-Nea bo poguntunon nongkon butá tatua ná intau mita inta diá nonotaau kon i Tuhan, inta nogutun kon tua wakutu in moiko diápa.

IMAMAT 20:22

Ki Tuhan noguman, “Duduiaidon in bayongan hukum bo parenta-Ku, sinbá moiko diá poguntunon kon butá in Kanaan, kon tampat inta pinodiaan-Ku kon i monimu.

MIKHA 2:10

Sindogdon bo bayá; kon naa in diádon moaman. Dosamu mita in nokopoangoidon kon anib inta mokokoningkim kon tudu in tampat tanaa.

MIKHA 2:4

Ukurmu in pakéondon in intau mobaḻí posigidan, bo mosia in momiadon kon dondong ponogumatoian nanaa, ‘Ki Tuhan in norimumudon kon butá nami tanaa bo mobogoi kon i monia inta nodakop kon inami. Kami in norimumudon komintan.’ ”

ULANGAN 28:29

Singgai moiko in mayá takin mongokap naonda bo intau bilog, táe diábí mokouḻí kon daḷan. Bayongan in totayakmu diábí in mangaḻenea. Moiko in tantú bidon doroton bo pogagowan, bo diábí in motuḷung kon i monimu.