YEREMIA 9:17 - Alkitab Singog In Mongondow Masa In Tanaa

¹⁷ Ki Tuhan Inta Totok in mokawasa noguman kon umat-Nea, “Tondudutka onu inta koyogot in nobaḻí kon dunia naa, bo ḷagidon oiní in intau mita mogogamui. Potabádon in mosia mamangoi bo mopodondong in dondong ponogumatoian.”

YEREMIA 9:17 Mawu Ofanana

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

AYUB 3:8

Ei intau mita inta mongongundam bo inta monompia kon Lewiatan, dantugaidon in singgai tua pongin ibot bo kutukan;

MOHOHUTUBA 12:5

Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

YEHEZKIEL 32:16

Tompoingat motogat tanaa in mobaḻí dondong kopatoian. Bobay mita nongkon bangusa mita ibanea in mopodondong intua nobaḻí tomponuot nonogumatoi kon Mesir bo bayongan in rayatnea. Akuoi, ki Tuhan Inta Totok moḷantud ain nosingog.”

AMOS 5:1

Indongogaidon ei umat in Israel! Akuoi in mopodondongdon in kon inimu in tobatú dondong pinatoian:

MIKHA 2:4

Ukurmu in pakéondon in intau mobaḻí posigidan, bo mosia in momiadon kon dondong ponogumatoian nanaa, ‘Ki Tuhan in norimumudon kon butá nami tanaa bo mobogoi kon i monia inta nodakop kon inami. Kami in norimumudon komintan.’ ”

MATIUS 9:23

Naonda in ki Yesus noiyaput kon baḷoi in itoi in baḷoi pososambayangan tatua bo nokoontong kon intau mita inta nogirup kon bansí bo intau mobarong inta motombá mako,

MARKUS 5:38

Naonda in mosia noiyaputdon kon baḷoi i Yairus, bo inontongnea in intau mita modowawá mako bo dinongog-Nea doman in ombaḷ bo amui inta moropot.