YEREMIA 9:15 - Alkitab Singog In Mongondow Masa In Tanaa

¹⁵ Tuamai, indongogaidon onu in aidan-Ku, Tuhan Inta Totok in mokawasa, Allah in Israel: umat-Ku in ogoian-Ku pinomuḷa mopait sin kaanon bo rasum sin inumon.

YEREMIA 9:15 Mawu Ofanana

MAZMUR 60:3

Iko in nondoí kon inami, o Allah, bo nopomayá mako kon inami sinaḷow. Iko in sinumorú kon inami; tanaa in tompiadon bui in kami.

MAZMUR 69:21

Singkuḻe mita ain nokoinggamá kon ibog in ginaku, bo diádon in kamangku. Sinayakku in totabian, táe diá in mangaḻenea, notayak in akuoi kon poḻipoi, táe diá nokouḻí.

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

MAZMUR 80:5

O Tuhan Allah Inta Totok in mokawasa, dapot in toonu Iko in tumorú, umpaka umat-Mu mosambayang?

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

YEREMIA 23:15

Ki Tuhan Inta Totok in mokawasa in noguman, “Ogoi-Kubí kon nabi mita kon Yerusalem tatua in pinomuḷa mopait sin kaanon bo rasum sin inumon, sin mosia in nokopopisídon kon intau mita kon sinangkub in butá doí mohoromat kon i-Nakó.”

YEREMIA 24:10

Akuoi in mopoangoibí kon i monia in parang, gogoy, bo yampoi in takit dá mosia komintan in matoi bo diá in kotaḷáan kon butá tanaa inta ain inogoi-Ku kon i monia bo kon mogoguyang monia.”

YEREMIA 25:15

Ki Tuhan, Allah in Israel, noguman kon inakó, “Gamádon in galas in anggur tanaa inta ain binonuan-Ku in anggur in torú-Ku. Diadon kon bayongan in bangusa kon onda in popotabáan-Ku kon inimu, bo pokiponginumaidon in mosia in anggur tanaa.

YEREMIA 44:27

Ḷongasion-Kubí sinbá mobodito in moiko bo diá mosanang, modapot in moiko matoi komintan, pinomayá matoi in parang andeka popisí in yampoi in takit.

YEREMIA 49:37

Poondokon-Kubí in intau in Elam moondok kon musung inta moibog moḻimod kon i monia. Akuoi in totokbí in sinumorú kon i monia bo morimumud kon i monia. Potabá-Kubí mangoi in tontara inta momarang kon i monia modapot in mokopodait kon i monia komintan.

YEREMIA 8:14

“Nongonu sin kita in diábí nogaid kon onu bo onu?” guman in umat i Allah. “Igai in kita moyotakin moḷagui mayá in kotá mita inta dininding, umpaka in kita matoi kon tua. Ki Tuhan Allah naton ain nonantú kon kita in mustibí moputú. Sia in nobogoidon kon i naton rasum sin inumon sin kita in binaradosa kon i-Nia.

OMBAḶ 3:15

Tongábí inta mopait in inogoi-Nea kon inakó nobaḻí kaanon bo oinumonku.

OMBAḶ 3:19

Morai kon binayáan bo rorigaku nádon onda bo nokaan kon rasum inta pait.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

ULANGAN 28:36

Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.

ULANGAN 29:18

Dá ḷukadaidon sinbá diá modapot in tobatúmai in intau kon sigad monimu, ḷoḷaki ande bobay, koluarga ande suku inta sinimindog kon naa, in monoḻikud kon i Tuhan Allah naton sin mayá mosumba kon ilah mita in bangusa ibanea. Oaid natua naonda bo uakat inta nobiag nobaḻí pinomuḷa inta pait bo korasum.

WAHYU 8:11

(Tangoi in tundi tatua “Pait”.) Dá sepertiga nongkon bayongan in tubig nopaitdon doman bo nobayongdon in intau minatoi sin nonginum kon tubig inta nopaitdon tatua.