YEREMIA 9:12 - Alkitab Singog In Mongondow Masa In Tanaa

¹² Akuoi in noḻibó, “Tuhan, nongonu sin butá tanaa in pinomayábí mako in noḷogat bo noingkag naonda bo padang gurun nodapot in diádon in tumaḻib? Oyúon degá in mopandoi totok sinbá momangaḻe kon naa komintan? Ki ine in pinoginsilangan-Mu sinbá sia in mokopoyaput kon intau ibanea?”

YEREMIA 9:12 Mawu Ofanana

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

MAZMUR 107:43

Igumon mako intau mobijaksana in morai kon bayongan intua bo akúon monia kon ki Tuhan in umuranbí motabi.

YESAYA 42:23

Ki ine in kon sigad monimu in moibog mokidongog kon tanaa, bo monaridi kon singgai moiduduimai?

YEREMIA 23:10

Butá naton nopuḻing in intau inta diá mosatia kon i Tuhan. Mosia in nobiag moraat bo noitaḷá in nopomaké in kawasa monia. Popisí in kutukan i Tuhan, bonok kon rawang noingkag bo sinangkub in butá nonogumatoi.

YEREMIA 23:16

Kon intau inta nogutun kon Yerusalem, ki Tuhan Inta Totok in mokawasa noguman, “Dika indongogan in tosingogon in nabi mita inta umuran tongá mobogoi in kamang inta diá in mangaḻenea. Mosia in tongábí mopotaau in onu in inta kon raian monia tontaní bo deemanbí koyow-Ku.

YEREMIA 23:22

Aka kuma kinotaauan monia onu in kon bonu in raian-Ku, yo notantú bidon kon mosia in nopotaaudon kon umat-Ku in bayongan inta ain siningog-Ku. Dá umat-Ku in mogogaidon in mogaid kon dosa mita bo dodia monia inta moraat.

YEREMIA 23:28

Nabi inta sinumogoindop mustibí moguman, ‘Naa in tongábí togoindop.’ Táe nabi inta nokouḻí kon koyow nongkon i-Nakó mustibí mopotaau in koyow tatua podudui in koyow inta mobanar tua. Gandum in diábí motaau potongkaion in wawa.

YEREMIA 9:20

Akuoi in noguman, “Indongogaipa in tosingogon mita i Tuhan, ei bayongan in bobay! Tundú kon i adímu mita bobay in dondong oamui, kon yobayatmu mita in dondong ponogumatoian.

YEHEZKIEL 14:23

Bo komangaḻeandon monimu kon bayongan in aid-Ku tua in oyúonbí in kinodoyonannea. Akuoi ki Tuhan Inta Totok in moḷantud ain nosingog.”

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

HOSEA 4:10

Moiko in mokaanbí kon kuruban mita inta pinosumba, táe moiko in umuranbí gogoyon. Moiko in mosumbabí kon dewa mita inta kai monimu in mopoḷumbá, táe intaumu in diábí modugang, sin moiko in nonaḷámaidon kon i-Nakó sin mosumba kon ilah mita ibanea.”

YOËL 1:11

Ei monononggobá, pogamuidon! Ei monononggobá kon anggur, pongombaḷdon! Sin gandum, makoya bo bayongan in bungai in boyó nogoguyaatdon.

ZEPANYA 3:6

Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

MATIUS 24:15

“Moiko in mokoontongbí kon ‘aid moraat inta mokorimumud’, ná inta pinoguman i Nabi Daniel, simindog kon tampat motusi. (Paraḷu indoian in intau mita inta mobaca: tarukira totok in mangaḻenea!)

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

WAHYU 1:3

Totokdon mosanang in intau inta mobaca bo inta mokidongog kon habar inta pinotaau i Allah muna bo inta ain pinais kon bonu in buk tanaa bo mosatia kon onu inta pinais kon bonunea. Sin diádon moonggot bo tua komintan in mobaḻí.