YEREMIA 9:11 - Alkitab Singog In Mongondow Masa In Tanaa

¹¹ Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

YEREMIA 9:11 Mawu Ofanana

NEHEMIA 4:2

Kon tayowon in totakinnea mita bo tontara in Samaria, sia in noguman, “Onu in koyogot aidan in intau Yahudi nobodito inta diá mokopongonu tua? Degá mosia in moibog moposindog bui in kotá tanaa? Kai monia kamai oaidan tatua in moḷapatbí tosinggai, tongá pongin moposumba in kuruban? Degá apat inta nádon buḷud inta ain nopokak tua in motaau baḻíon batu mita podinding?”

MAZMUR 107:43

Igumon mako intau mobijaksana in morai kon bayongan intua bo akúon monia kon ki Tuhan in umuranbí motabi.

MAZMUR 44:19

Gina nami in diábí momayow kon ini-Mu; parenta-Mu in umuranbí pandungon nami.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

YESAYA 13:22

Ganggor in ungkú in kayuon bo serigala in kodongogan nongkon puri mita bo komaḻig mita in Babel. Wakutu korimumudannea motoyongdon bo wakutunea in diá bidon baḷuian bui.”

YESAYA 25:2

Kotá tatua ain irimumud-Mu; kotá inta dininding tua dongkadon rumbunnea. Komaḻig inta pinosindog in intau ango-angoi ain noyompat, bo diá bidon pinosindog bui dapot in mononoi.

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEREMIA 10:22

Indongogaidon! Oyúon in habar kon bangusa tobatú kon utuan nopomukádon kon doḻiok. Tontaranea in momaḻí kon kotá mita in Yohuda mobaḻí moingongow bo diádon in mogogutun. Ungkú mita in kayuon in mogadopdon kon tua.”

YEREMIA 16:10

Aka iko in mopotaau in naa komintan kon i monia, degá ḻibóon monia nongonu sin Akuoi in mohukumbí kon i monia námai tua in kobogatnea. Mosia in moḻibóbí onu in taḷá bo dosa monia kon i-Nakó, ki Tuhan Allah monia.

YEREMIA 25:11

Sinangkub in butá tanaa in pomayá-Kubí mako in morimumud bo mobaḻí moingongow. Bangusa mita kon diugneamai in mobantungbí kon i datu in Babel pitu nopuḷú notaong in koonggotnea.

YEREMIA 25:18

Yerusalem bo bayongan in kotá in Yohuda, takin datu mita bo pojabatnea mita, pinoki inumanku in anggur tatua, nodapot in mosia nobaḻí naonda bo rawang inta noḷogat bo mokokoningkim. Dapot kon singgai in naa tangoi monia in pinaké nobaḻí kutukan.

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

YEREMIA 26:9

Mokobaḻíbí totok in iko in moguman podoyon kon tangoi Tuhan kon Baḷoi-Nea naa in mobaḻí naonda bo Silo, bo kotá tanaa in yompaton bo mobaḻí tampat inta diádon utunan.” Bo akuoi in iḻipung in intau mobayong.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 44:2

Naa in koyow i Tuhan Inta Totok in mokawasa, Allah in Israel, kon i monia, “Moiko tontaní ain nokoontong kon bodito inta pinopouma-Ku kon Yerusalem bo bayongan in kotá ibanea kon Yohuda. Nodapot in tanaa mako kotá mita tatua in umuranpabí norimumud bo diá in nogutun.

YEREMIA 49:33

Hazor in tantú bidon moitosimayá mako modapot in mononoi bo mobaḻídon pogogadopan in ungkú in kayuon. Diá bidon tobatúmai in intau in mogutunpa kon tua. Akuoi, ki Tuhan, ain nosingog.”

YEREMIA 50:3

Bangusa tobatú nongkon utuan in mamangoibí monubu kon Babel bo mopobaḻí kon butá tatua moḷogat moingkag. Intau bo mahaḷuk in moroḷagui, bo diá bidon in moibog mogutun kon tua.”

YEREMIA 51:37

Butá tatua in mobaḻíbí bonturungan in goguyaatnea, pogogadopan in ungkú in kayuon. Mokoningkimbí in intau in moindoi kon inia, bo diábí tobatúmai in intau in moibog mogutun kon tua.

YEREMIA 8:22

Onu degá in nokopopisí nodapot in bangusaku nodapot in tanaa mako diápa doman nopia? Degá kon sinangkub in Gilead, Diá in dokter andeka undam?

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

OMBAḶ 2:2

Bayongan in rawang in bonok kon butá in Yohuda, irimumud-Nea takin diá in tabi. Kon bonu in torú-Nea dinangatan-Nea nodapot in noumpag in dinding mita inta nogoḻingoi kon butá tatua. Dodatuan tatua takin itoinea mita iḷabú-Nea nodapot in mokooyádon.

OMBAḶ 3:47

kami in kinoantugan in bodito bo kinorimumudan, bo nobiag kon bonu in anib bo ondok.

IMAMAT 26:32

Poguraaton-Ku in butá monimu, modapot in musungmu mita inta mongawasa moitongaudon in mokoontong kon tua.

MIKHA 1:6

Manangka intua ki Tuhan in noguman, “Baḻíon-Kubí in Samaria bontuyungan in apug kon rawang, bo tampat pomomuḷaan in intau kon pangkoi in anggur. Rumbun in kotá tatua in pogonag-Kubí kon bonu in oyuknea, bo apadnea mita in toko kaḻion-Ku.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.