YEREMIA 8:22 - Alkitab Singog In Mongondow Masa In Tanaa

²² Onu degá in nokopopisí nodapot in bangusaku nodapot in tanaa mako diápa doman nopia? Degá kon sinangkub in Gilead, Diá in dokter andeka undam?

YEREMIA 8:22 Mawu Ofanana

KINOBAḺIAN 37:25

Kon tungkuḷ in mosia koyogot mongaan, indoianmai noitaḻibdon in kapilah intau in Ismael, intau tatua kon binayáan nongkon Gilead mopobayá in Mesir. Unta mita monia nodatog kon pododungú mita, balsam bo taḷong.

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

YEREMIA 14:19

Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.

YEREMIA 22:6

Bo kon i-Nakó yo komaḻig in datu in Yohuda in totuubí kon mogaga, ná kogaga in butá in Gilead bo buḷud mita in Libanon; táe tampat tatua in baḻíon-Kubí naonda bo padang gurun inta diá inutunan in intau.

YEREMIA 46:11

Ei intau in Mesir, bayádon kon Gilead sin motayak kon undam! Umpaka natua táe diábí in undam inta mokopia kon i monimu.

YEREMIA 51:8

Táe daḻídon noḷabú in Babel bo noḷosi. Ombaḷaidon in sia, bo potayakaidon kon undam pongundam kon kekebnea mita, dika-dika bo mopiapabí in sia.

YEREMIA 6:7

Ná doman bokaká umuranbí mopoḷuai in tubig modarit, yo natua doman in kotá tatua umuranbí mopoaid in inta moraat. Tongá habar aid moromú bo pogagowan mita in dinongog-Ku nongkon kotá tatua; kekeb bo takit inontong-Ku kon bayongan tampat.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

OMBAḶ 2:13

O Yerusalem, Kotá in Sion inta kinotabi totok, kinorumbunanmu in nádon koḷoben in baḷangon. Onu degá in motaauku singogon sin mopoḻipoi? Sin, diábí kon dodai in onda in nokouḻí kon roriga ná iko. Totuu kon diábí in mokopobui kon kaadaanmu.

YEHEZKIEL 27:17

Yohuda bo Israel in noponoḻiu in pakakat daganganmu in gandum, biluk, ḷana in zaitun bo toyokayu mita.

PINOGIAPAN 32:1

Suku mita i Ruben bo i Gad kobobiagon inta modamaḷ totok. Naonda in inontong monia kon totok in mopia in butá in Yaezer bo butá in Gilead kon ponombobiagan,

LUKAS 8:43

Bo kon sigad in intau moantó tatua, oyúon in tobatú bobay inta aindon mopuḷú bodoyowá notaong notakit sinoḷoganmai in dugú, bo diá tobatúmai in mokopia kon takitnea tatua.