YEREMIA 8:18 - Alkitab Singog In Mongondow Masa In Tanaa

¹⁸ Ginaku monakit bo mopomporí, amuiku diá koundaman.

YEREMIA 8:18 Mawu Ofanana

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

YESAYA 22:4

Dikadon taridianmu in akuoi; pomayádon mako in akuoi mogamui kon intau mita nongkon bangusaku inta ain minatoi. Dika monungkuḷ moḻipoi kon inakó.

YEREMIA 23:9

Naa in koyowku soaḷ nabi mita: Ginaku morumbun bo mourot in akuoi. Ki Tuhan bo tosingogon-Nea inta motusi nopobaḻí kon inakó naonda bo intau noḷoḷangu inta noiḻiu in bayong in anggur ininum.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 6:24

Nokodongog kon habar tatua, intau mita in Yerusalem kinodaitandon in daya. Mosia in inangoian in ondok, bo nororiga naonda bo bobay inta mononggadí.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

OMBAḶ 5:17

Buḷud in Sion noingongowdon bo sinaḷáan; kon tua ungkú in kayuon nodondaḷoi magí-mako. Manangka intua gina nami nádon poropatoian, mongombaḷ in kami modapot in diádon motarang in mata nami.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.