YEREMIA 8:16 - Alkitab Singog In Mongondow Masa In Tanaa

¹⁶ Musung in kon kotádon in Dan; kurik in kabaḷo in kodongogandon, bo sinangkub in butá noondokdon. Musung in namangoi sin morimumud kon sinangkub in butá naton, bo kotá doman naton bo bayongan in intau inta nogutun kon tua.”

YEREMIA 8:16 Mawu Ofanana

AYUB 39:20

Iko degá in nopotabá kon inia ḷumanduk naonda bo pangkoḷá, bo ganggornea sin mopogogondok kon intau?

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

YEREMIA 3:24

Posumbaan kon i Baal, berhala inta mokooyá tatua ain nokopopisí kon inami kinobuḻian in adí mita nami bo biag nami sapi bo domba, bayongan inta ain siniḷopían in mogoguyang nami nongkon dungkuḷpamai.

YEREMIA 30:16

Táe tanaa bayongan inta noḻiom kon inimu in ḻiomonbí, bo bayongan in musungmu akutonbí kon poḷumbúan. Akuoi in mondorotbí kon inta nondorot kon inimu, Akuoi in mogagowbí kon inta nogagow kon inimu.

YEREMIA 30:5

“Akuoi in nokodongogdon karak in intau inta nourot, karak in intau moondok inta diá in dodamean.

YEREMIA 4:24

Inontongku in buḷud bo tombuḷud mita inta moḷantud modandú motoyang totok.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 47:3

Mosia in mokodongogbí kon goḷopak in sioḷ in kabaḷo, koḷangká in bayáan in kereta, bo goḷotak mako in bolanea. Guyanga in mobaḻíbí moḷungkoyó bo diá bidon morai kon i adínea.

YEREMIA 5:17

Mosia in mokopodaitbí kon bungai in boyó bo kaanonmu poḷat moḻimod kon i adímu mita. Biag sapi bo dombamu in ratáanbi monia, bo gobá mita in anggur takin pangkoi mita in aramu in tokoyompatonbí monia. Kotá mita inta dininding inta pongata monimu in rimumudonbí monia.

YEREMIA 50:42

Mosia in nodia kon piot bo pandong; mosia in morongut bo diábí kotaauan monia in ampung. Nádon gonugur in bokoḷ kon dagat natuata in singog in sioḷ in kabaḷo monia inta moribatuk sin mamangoi monubu kon Babel.

YEREMIA 51:29

Butá in moḷundan bo modandú popisí in Akuoi koyogot mopobayá in tomayá-Ku sin mopobaḻí kon Babel tampat moḷogat inta diádon inutunan in intau.

YEREMIA 6:23

Mosia in nodia kon piot bo pandong; mosia in moraat bo diábí in ampung. Ná singog in dagat modoḷodok natuata in singog in sioḷ in kabaḷo monia inta sinakoian monia sin mamangoi monubu kon Yerusalem.”

NAHUM 3:2

Indongogaidon goḷotup in sambok bo koḷangká in roda, goḷopak poribatukan in kabaḷo bo koḷangká mako in kereta.

HABAKUK 3:10

Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

KORINTUS 1 10:26

Sin kon bonu in Buk Motusi ain pinais, “Dunia bo tombonunea naa in komintanbí kapunyaan i Tuhan.”

KORINTUS 1 10:28

Tongá aka oyúon in moguman kon i monimu nanaa, “Kaanon tanion ain bidon pinosumba kon dimukud moraat,” yo dikabí kaanon monimu intua sin aindon muna pinotaaunea, bo kaanon tatua in kinodoíbí in ginamu.

HAKIM MITA 18:29

Tangoi in kotá tatua binaḷuian monia nobaḻí Dan, pinodudui kon tangoi in mogoguyang monia, inta ki Dan, adí i Yakub.

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.

HAKIM MITA 5:22

Moḻikat in sioḷ in kabaḷo in mayá inta sinakoian in tumotakoinea.