YEREMIA 8:14 - Alkitab Singog In Mongondow Masa In Tanaa

¹⁴ “Nongonu sin kita in diábí nogaid kon onu bo onu?” guman in umat i Allah. “Igai in kita moyotakin moḷagui mayá in kotá mita inta dininding, umpaka in kita matoi kon tua. Ki Tuhan Allah naton ain nonantú kon kita in mustibí moputú. Sia in nobogoidon kon i naton rasum sin inumon sin kita in binaradosa kon i-Nia.

YEREMIA 8:14 Mawu Ofanana

SAMUEL 2 20:6

Onda intua ki datu in nogumandon kon i Abisai, “Ki Seba tua in mokosusa-susabímai kon inaton moiḻiu kon i Absalom. Tuamai in diádon in intauku mita bo batukdon in sia, sinbá diá modapot in sia in mokoḻitú kon kotá mita inta dininding, bo mokoḷagui kon inaton.”

MAZMUR 39:2

Iraiku, “Akuoi in moḷukad kon awak sinbá diá baradosaan in diláku. Akuoi in doíbí mosingog kon dodai in intau moraat nodiugpa.”

MAZMUR 69:21

Singkuḻe mita ain nokoinggamá kon ibog in ginaku, bo diádon in kamangku. Sinayakku in totabian, táe diá in mangaḻenea, notayak in akuoi kon poḻipoi, táe diá nokouḻí.

YESAYA 47:5

Ki Tuhan in noguman kon Babel, “Kibio-biómaidon, bo tuotdon kon bonu in sindip. Iko in diá bidon bui tangoion ‘Bokí in dodatuan mita.’

YEREMIA 14:20

Tuhan, tongábí kon ini-Mu tontaní kami in nogaidon kon dosa Akúon nami in dosa nami tontaní bo dosa in mogoguyang nami.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEREMIA 23:15

Ki Tuhan Inta Totok in mokawasa in noguman, “Ogoi-Kubí kon nabi mita kon Yerusalem tatua in pinomuḷa mopait sin kaanon bo rasum sin inumon, sin mosia in nokopopisídon kon intau mita kon sinangkub in butá doí mohoromat kon i-Nakó.”

YEREMIA 3:25

Dá, pomayádon mako in kami in mobaba kon oyá, bo pomayádon mako in kami mobaḻí mohina. Sin, kami bo mogoguyang nami ain binaradosa kon i Tuhan Allah nami, bo diá kon dodai in onda in notoḷutui kon parenta-Nea mita.”

YEREMIA 35:11

Táe naonda in ki Datu Nebukadnezar nonubu kon butá tanaa, kami in nonantúdon kon moḷagui nongkon tontara in Babel bo tontara in Siria, bo noḷagui minayá in Yerusalem. Tuamai in nogutun kon naa in kami.”

YEREMIA 9:14

Mosia in pamandot bo mosumba kon berhala mita in Baal ná inta sinundú in mogoguyang monia.

YEREMIA 9:15

Tuamai, indongogaidon onu in aidan-Ku, Tuhan Inta Totok in mokawasa, Allah in Israel: umat-Ku in ogoian-Ku pinomuḷa mopait sin kaanon bo rasum sin inumon.

OMBAḶ 3:19

Morai kon binayáan bo rorigaku nádon onda bo nokaan kon rasum inta pait.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

AMOS 6:10

Intau tobatú inta kon motoḷuadían inta monoḻisí kon poḷobongan kon inia, in mamangoibí bo modia ḷumuai kon mayat in ginaḷumnea. Sia in momaḷúbí kon intau inta kon tumimai in baḷoi tatua, “Oyúonpa degá in nobiag koḻikud in iko?” Dá kodongogandon in tubag moguman, “Diá!” Tombonu in motoḷuadí inta pinoki ḷobongan tatua in moguman, “Dikadon mosingog bui! Kita in diábí motaau in monangoi kon tangoi i Tuhan.”

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

ZAKHARIA 2:13

Kibio-biómaidon in moiko komintan kon tayowon i Tuhan! Sin Sia in nobuatdon nongkon tampat pinogutunan-Nea kon soroga.

MATIUS 27:34

Kon tua Sia pinoinum monia in anggur inta binaukan in ompodu. Naonda in kinonanaman-Nea, doídon in Sia nonginum.

ULANGAN 29:18

Dá ḷukadaidon sinbá diá modapot in tobatúmai in intau kon sigad monimu, ḷoḷaki ande bobay, koluarga ande suku inta sinimindog kon naa, in monoḻikud kon i Tuhan Allah naton sin mayá mosumba kon ilah mita in bangusa ibanea. Oaid natua naonda bo uakat inta nobiag nobaḻí pinomuḷa inta pait bo korasum.

ULANGAN 32:32

Sin mosia in moraat naonda bo Sodom bo Gomora, ná pangkoi in anggur inta pait bo bungainea in nobaḻí rasum.