YEREMIA 8:11 - Alkitab Singog In Mongondow Masa In Tanaa

¹¹ Kekeb mita in umat-Ku inanggap monia tongábí kekeb mointok. ‘Ah, diábí nongonu,’ guman monia, ‘komintanbí mopia bo moaman.’ Bokaka totokbí in diá.

YEREMIA 8:11 Mawu Ofanana

DATU MITA IMITÁNEA 22:13

Bo totabá inta minayá nonontomu kon i Mikha, noguman kon i Mikha, “Bayongan nabi ibanea nogumandon kon ki datu in mountungbí. Igumon mako ki Amá in moguman doman kon inta mopia ná inta pinoguman monia.”

DATU MITA IMITÁNEA 22:6

Dá ki Ahab in nosipun kon degá 400 in nabi bo noḻibó kon i monia, “Motaau degá in akuoi mayá monubu kon Ramot andeka diá motaau?” “Motaau!” tubag monia. “Ogoibí i Tuhan kon i tuang datu in kotá tatua.”

YEREMIA 14:13

Bo akuoi in noguman, “O Tuhan Inta Totok in moḷantud, kinotaauan-Mu kon nabi mita ain noguman kon rayat kon diábí in parang andeka gogoy, sin Iko in nodandidon kon butá tanaa in umuranbí oyúon in dodamean.”

YEREMIA 23:17

Kon intau mita inta doí mokidongog kon tosingogon-Ku mita, mosia in umuranbí moguman, ‘Moiko in mosaḷamatbí.’ Bo kon bayongan in intau inta pamandot, mosia in moguman, ‘Iko in diábí mokouḻí kon bodito.’ ”

YEREMIA 6:14

Kekeb mita in umat-Ku inanggap monia in kekebbí mointok. ‘Ah, diábí nongonu,’ guman monia, ‘komintanbí mopia bo moodom.’ Bokaka totokbí in diá.

YEREMIA 8:15

Diá in mangaḻenea in kita mogoḷat mako kon dodamean bo wakutu ponompiaan, sin inta oyúon in tongábí aid inta motogat.

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

YEHEZKIEL 13:22

Intau mita mopia inta diá pomiaan-Ku ibo-ibog, in ginogondokdon monimu takin ouman uboḷmu. Intau mita moraat duíon monimu sinbá umuran mogaid kon dosa bo diá posaḷamaton.

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.