YEREMIA 8:10 - Alkitab Singog In Mongondow Masa In Tanaa

¹⁰ Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

YEREMIA 8:10 Mawu Ofanana

AYUB 31:10

dá pomayádon mako in ki buḷoiku modungú kon kaanon in intau ibanea; bo pomayádon mako in ḷoḷaki ibanea in mosiug takinnea.

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

YESAYA 57:17

Dosa in turá monia nokopopisí kon i-Nakó sinumorú, tuamai in ihukum-Ku in mosia bo sinaḷáan-Ku. Táe mosia in pamandot bo umuran momiḻí kon daḷannea tontaní.

YEREMIA 14:14

Táe ki Tuhan in notubag, “Nabi mita tatua in nopotaau in habar uboḷ pinodoyon kon tangoi-Ku; Akuoi in diábí nopotabá kon i monia, bo diábí doman nomarenta andeka noyosingog monia. Oontongon mita inta inouman monia in deemanbí nongkon i-Nakó; mosia in nonoḻindap kon soaḷ mita inta diá in mangaḻenea inta sinontuon inaidan monia tontaní.

YEREMIA 14:18

Aka akuoi mayá in rawang, ontongonku in mayat mita inta minatoi in parang. Kon bonu in kotá ontongonku in roriga, intau mita gogiódon matoi in gogoy. Nabi bo imang mopobayá in oaidan takin diá komangaḻean monia onu in inaidan.”

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 32:32

popisí in bayongan aid moraat in intau in Yohuda bo Yerusalem takin datu mita, pojabat in pomarenta, imang, bo nabi mita monia.

YEREMIA 38:22

Kon bonu in oontongon tatua akuoi in nokoontong kon bayongan in bobay inta kon komaḻigpa in Yohuda pinoḷuai dinia kon pojabat mita in Babel. Kobaya-bayá mosingog in mosia, ‘Ki datu in pinomiadon ibo-ibog in yobayatnea mita inta modagin, bo kinawasa monia. Tanaa, naonda in sioḷnea noiḷosok kon bonu in yoná, inumundok komintan in mosia.’ ”

YEREMIA 42:1

Nopaḷut mako intua bayongan in intau, moḷoben mointok, takin porwira mita, noitakin doman in ki Yohanan ki adí i Kareah bo ki Azarya ki adí i Hosaya namangoi

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

OMBAḶ 4:13

Táe tua in nobaḻí bidon, popisí in dosa in imang mita bo nabi. Mosia in nopobutakdon in dugú, in intau mita inta diá kotaḷá.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

MIKHA 2:4

Ukurmu in pakéondon in intau mobaḻí posigidan, bo mosia in momiadon kon dondong ponogumatoian nanaa, ‘Ki Tuhan in norimumudon kon butá nami tanaa bo mobogoi kon i monia inta nodakop kon inami. Kami in norimumudon komintan.’ ”

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.

ZEPANYA 1:13

Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

TITUS 1:7

Sin itoi kon jamaat tua in mogaidbí kon oaidan i Allah, manangka intua mustibí intau inta mopia, diá mododia bo diá morogi, deemanbí intau inta umuran moḷoḷangu, deeman doman intau inta moibog-ibog motayak kon mokorogenggeng bo diá doman dinoit.