YEREMIA 7:7 - Alkitab Singog In Mongondow Masa In Tanaa

⁷ Aka moiko momaḷui kon kobobiagmu bo dodiamu poḷat mogogai in mogaid kon bayongan intua, yo moiko in ogoi-Kubí mogutun motantú kon butá tanaa inta ain inogoi-Ku nobaḻí butá in mogoguyangmu.

YEREMIA 7:7 Mawu Ofanana

TAWARIKH 2 33:8

Aka umat in Israel motoindudui kon bayongan in parenta-Ku bo dumududui kon hukum mita inta inogoi i Musa mogogundoi-Ku kon i monia, dá Akuoi in diábí mopomayá mako kon i monia poguntunon nongkon butá inta ain inogoi-Ku kon mogoguyang monia.”

IḶUAIAN 22:22

Donaai mopomia ibog-ibog kon i monia inta dongkadon boba-bobay bo adí mita inta uno-unon.

YESAYA 1:19

Aka moiko moibog motoindudui kon i-Nakó, moiko in motarimabí kon bayongan inta mopia inta ogoi in butámu.

YEREMIA 25:5

Mosia in nopotabá kon i monimu monaḷámai kon gogutúmu inta moraat, bo oaidmu mita inta dinosa, sinbá moiko in umuran mogutun kon butá inta ain inogoi i Tuhan kon inimu bo kon mogoguyangmu mobaḻí kapunyaan monimu tontaní.

YEREMIA 26:13

Tuamai in baḷuiaidon in kobobiagmu bo oaidmu mita; Duduiaidon in ki Tuhan Allahmu, sinbá pondamon-Neadon in niat-Nea mopobodito kon i monimu.

YEREMIA 3:18

Israel in dumugangdon kon Yohuda, bo moyotakindon mamangoi nongkon butá pinoḷumbúan kon dotá in utuan. Mosia in mobuidon kon butá inta ain inogoi-Ku nobaḻí butá kapunyaan kon mogoguyangmu.”

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 4:1

Ki Tuhan in noguman, “Umat in Israel, aka moiko moibog mobui mangoi, yo pobuidon mangoi kon i-Nakó. Ḷumbúdon muna in berhala mita inta kinorongó-Ku tua, bo pokotoinduduidon kon i-Nakó.

ZEPANYA 3:7

Kon raian-Ku, ‘Tanaa in notantúbí kon umat-Ku in mohoromat kon i-Nakó bo mokidongog kon bayongan in toboḷow-Ku. Notantú bí kon kinotoropan monia totundú inta inogoi-Ku kon i monia.’ Táe noniata magí, nodugangbí in aid monia moraat nongkon inta muna.

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”