YEREMIA 7:26 - Alkitab Singog In Mongondow Masa In Tanaa

²⁶ Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

YEREMIA 7:26 Mawu Ofanana

DATU MITA IMITÁNEA 14:22

Bangusa in Yohuda nomia kon inta moraat kon mata i Tuhan. Oaid monia nokodugang kon torú i Tuhan nongkon bayongan oaid in mogoguyang monia.

DATU MITA IMITÁNEA 14:9

Táe iko in nogaidon kon inta moraat noiḻiu kon inta inaidan monia inta nomarenta noiuna kon inimu. Iko in nonaḷámai kon i-Nakó bo nopomuká in torú-Ku sin nomia kon berhala bo patong mita nongkon logam sin sumbáan.

DATU MITA 2 17:14

Táe Israel bo Yohuda in doíbí mokidongog. Motogat in gina in mosia naonda bo mogoguyang monia inta diá mopirisaya kon i Tuhan, Allah monia.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

TAWARIKH 2 33:10

Ki Tuhan nonoboḷow kon i Manasye bo rayatnea, táe mosia in doíbí mokidongog.

TAWARIKH 2 33:23

Táe noyoposi i amánea, ki Amon in diábí sinumonsiup bo diá doman nobui mangoi kon i Tuhan; nodapotbí in sia in binara-baradosa nongkon i amánea.

NEHEMIA 9:29

Sinoboḷow-Mu in mosia sinbá totundú-Mu in duduian, táe diá sinarima monia in hukum-Mu takin dinumodia. Bokaka, aka hukum-Mu aidan, yo notantúbí kon koḷukadan in kobiagan. Mosia motogat in uḷu bo motogat doman in gina, doí mokidongog, bo doí dumudui.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YEREMIA 11:8

bo nopotabá kon i monia dumudui kon dodandian-Ku tatua, táe mosia in doíbí mokidongog bo doí motoḷutui. Nodapotbí in mosia umuranbí pamandot bo moraat ná koḻipod. Tuamai bayongan in hukuman inta pinais kon bonu in dodandian tatua aindon pinopoḷabú-Ku kon i monia.”

YEREMIA 16:12

Táe moiko in nogaid kon moiḻiu in raat bui. Moiko in pamandot bo tongá dumudui kon ibogmu tontaní inta moraat. Moiko in doí tumoḷutui kon i-Nakó.

YEREMIA 17:23

Táe mogoguyangmu in doí mokidongog andeka nonaridi kon onu in pinoguman-Ku. Mosia in pamandot bo doí tumoindudui andeka toboḷowon.

YEREMIA 19:15

kon ki Tuhan Inta Totok in mokawasa, Allah in Israel in noguman nanaa, “Popisí in moiko pamandot bo doí mokidongog, dá Akuoi in mopoangoibí kon kotá tanaa bo kon bayongan in ḻipú kon diugneamai in bayongan bodito inta ain sinomayá-Ku.”

YEREMIA 22:21

Akuoi in nosingogdon kon inimu kon dodai in kaadaanmu mopiapa, táe moiko in doí mokidongog. Memang natuabí in gogutúmu nongkon dungkuḷmai dapot in tanaa mako; diábí kon dodai in onda in motoindudui kon i-Nakó.

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 25:7

Táe ki Tuhan tontaní in noguman kon moiko in diábí nokidongog kon i-Nia. Sedang bo moiko in nokopomukábí kon torú-Nea popisí in berhalamu mita tatua. Moikobí tontaní in nopoangoi in hukuman-Nea kon inimu tontaní.

YEREMIA 26:5

Moiko in musti doman mokidongog kon onu inta pinoguman in mogogundoi-Ku mita, in nabi mita inta umuran potabá-Ku mamangoi kon inimu. Táe moiko in doí mokidongog kon i monia.

YEREMIA 29:19

Tua komintan in nobaḻí kon i monia, popisí in mosia in diábí dinumudui kon koyow-Ku inta umuran potaau-ku kon i monia pinongin nabi mita mogogundoi-Ku mita. Mosia in doíbí moindoimai kon koyow-Ku tua.

YEREMIA 3:13

Akudon kon iko in kotaḷá bo ain nomarontak kon i Tuhan, Allahmu. Akudon kon bayongan siungon in pangkoi in kayu inta mobambar iko in nobogoidon in tabimu kon ilah mita in bangusa ibanea, bo diá dinumudui kon parenta-Ku mita. Akuoi, ki Tuhan ain nosingog.”

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.

YEREMIA 34:14

Akuoi in noguman kon bayongan in ata Ibrani inta ain nobaḻí ata onom notaong in koonggotnea, musti poḷuaton kon imbuit in taong impitunea. Táe mogoguyangmu in doíbí noindoimai andeka nokidongog kon onu inta pinoguman-Ku tatua.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 35:17

Tuamai, Akuoi, ki Tuhan Inta Totok in mokawasa, Allah in Israel, in mopoangoibí kon i monimu – intau in Yohuda bo Yerusalem – bayongan in bodito inta ain sinantú-Ku kon i monimu, ná inta ain pinoguman-Ku. Tua in inaidan-Ku popisí in moiko in doí mokidongog aka Akuoi mosingog kon inimu, bo moiko in doí tumubag kon dodai in Akuoi mogoiní kon i monimu.”

YEREMIA 44:16

“Kami in doíbí mokidongog kon onu in pinogumanmu kon inami pinodoyon kon tangoi i Tuhan.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEREMIA 6:10

Akuoi in notubag, “Tuhan, ki ine in posingoganku, bo ki ine in ogoianku in tompoingat? Mosia in pamandot bo doí monaridi. Kosingan monia bo kodoí monia in koyow-Mu inta pinotaauku kon i monia.

YEREMIA 6:17

Bo ki Tuhan in nopobui-buimaidon in noduí kon moḷoḷukad mita sin mopotoingat kon i monia sinbá mokidongog kon singog in torompet saḷaku tomponuot. Táe umat in noguman, “Kami in doíbí mokidongog.”

YEREMIA 7:24

Táe mosia in doíbí mokidongog bo doí monondudut. Mosia in tongábí dinumudui kon ibog in gina monia tontaní inta motogat bo moraat tua. Mosia in deemanbí nobaḻí mopia táe nodugangbí moraat.

YEREMIA 9:13

Ki Tuhan in notubag, “Tua in nobaḻí popisí in umat-Ku in diádon noindoimai kon totundú mita inta inogoi-Ku kon i monia. Mosia in diá motoindudui kon i-Nakó, bo doí dumudui kon parenta-Ku.

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

YEHEZKIEL 12:3

Tuamai, ei intau inta ilo-ilow, kon wakutu in mobayagpa, dá touḷutdon in pakakatmu mita bakut ná biasamai aidan in intau mita inta iḷumbú. Kon dodai in diápa modoḷom taḷaaidon in baḷoimu koonto-ontong in intau ná intau mita inta diaan kon poḷumbúan. Ḷombangaidon in baḷoimu koonto-ontong in intau mita momomarontak tatua, bo diádon in binantaḷ in pakakatmu bo ḷuaidon pongin bubú tatua. Potaandon in binantaḷ tatua. Pobuatdon kon wakutu in doḷom; bilogdon in matamu dá diádon ontongonmu in daḷan inta bayáanmu. Pomayádon mako in bayongan in bangusa in Israel mokoontong kon bayongan inta inaidanmu tatua, sinbá mobaḻí tompoingat kon i monia. Dika-dika bo kotaauandon monia kon mosia tua in momomarontak.”

YEHEZKIEL 20:30

Dá potaaudon kon intau in Israel in onu inta pinotaau-Ku kon i monia, Akuoi ki Tuhan Inta totok in moḷantud. ‘Nongonu sin moiko in nomiabí kon dosa mita ná inta pinomia in mogoguyangmu? Ná mosia, moiko in dinumudui doman kon berhala mita inta mokorongó tua.

DANIEL 9:6

Kami in diábí nokidongog kon nabi mita, mogogundoi-Mu mita tatua, inta ain nosingog pinodoyon kon tangoi-Mu kon i datu mita nami, kon itoi mita, kon mogoguyang mita bo kon bayongan in bangusa nami.

HOSEA 11:7

bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”

ZAKHARIA 7:11

Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog.

MALEAKHI 3:7

Naonda bo mogoguyang monimu koḻipod, moiko komintan in sinumabatdon kon hukum-Ku mita bo diá nosatia in nopobayá intua. Pobuidon mangoi kon i-Nakó, dá Akuoi in mamangoidon bui kon inimu. Táe moiko in moḻibó, ‘Onu in musti aidan nami sinbá mobui kon ini-Mu?’

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 23:32

Dá duduiandon doman in oaid in mogoguyang monimu!

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

ULANGAN 8:20

Aka moiko diá motoindudui kon i Tuhan Allahmu, yo yopúon-Nea domandon in moiko, naonda bo bangusa mita inta iyopú-Nea kon tayowon monimu.”