YEREMIA 7:17 - Alkitab Singog In Mongondow Masa In Tanaa

¹⁷ Iko in nokoontongdon tontaní kon onu in inaidan monia kon kotá mita in Yohuda bo kon daḷan mita kon Yerusalem!

YEREMIA 7:17 Mawu Ofanana

YEREMIA 1:16

Akuoi in mohukumbí kon umat-Ku, popisí in mosia binaradosa bo nonoḻikud kon i-Nakó. Mosia in noposumbadon in kuruban mita kon ilah mita ibanea, bo nomiadon kon patong mita poḷat sinumba monia.

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

YEREMIA 32:32

popisí in bayongan aid moraat in intau in Yohuda bo Yerusalem takin datu mita, pojabat in pomarenta, imang, bo nabi mita monia.

YEREMIA 44:17

Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

YEREMIA 6:27

Bo ki Tuhan in noguman kon i Yeremia, “Tungkuḷaidon in umat-Ku, ná pogogujimu kon logam. Taridiaidon in dodia monia!

YEREMIA 7:16

Ki Tuhan in noguman, “Yeremia, dika sambayanganmu in intau mita tanaa. Dika mokituḷung andeka sambayanganmu in mosia, dika mondodak kon i-Nakó, sin Akuoi in doíbí mokidongog kon oigum tatua.

YEREMIA 7:18

Mongoadí mita mosipun kon kayu pondungú, ḷoḷaki mita momiag kon tuḷú, bo bobay mita in mopoyobauk in topong sin pomiaan kukis sin ogoi kon i dewi inta sinangoian monia Bokí in Soroga. Bo mosia in mopoyaat in gina-Ku pongin moposumba in tubig in anggur kon ilah mita ibanea.

YEHEZKIEL 14:23

Bo komangaḻeandon monimu kon bayongan in aid-Ku tua in oyúonbí in kinodoyonannea. Akuoi ki Tuhan Inta Totok in moḷantud ain nosingog.”