Biblia Todo Logo
Baibulo la pa intaneti

- Zotsatsa -




YEREMIA 6:8 - Alkitab Singog In Mongondow Masa In Tanaa

8 Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

Onani mutuwo Koperani




YEREMIA 6:8
23 Mawu Ofanana  

Dá taridiai, ei datu mita, tano-tanobka, ei mongongawasa mita kon dunia!


Sin iko in doí mokidongog kon toboḷow-Ku, bo mondoí kon parenta-Ku mita.


Pia in kamang in intau inta sinundú-Mu, o Tuhan, intau inta sinundúan-Mu in hukum-Mu mita.


Aka iko moibog mobalajar bo mokidongog kon tonggina, yo kon singgai moiduduimai iko in mobaḻí intau inta kohikmat.


Tantú torop in totundú inta ain sinarimamu kon inakó. Ḷukadai intua kopira, sin pongin totundú tatua kodapotanmu onu in sinayakmu.


Táe mogoguyangmu in doí mokidongog andeka nonaridi kon onu in pinoguman-Ku. Mosia in pamandot bo doí tumoindudui andeka toboḷowon.


Musungnea in noganggor kon inia naonda bo singa, butánea in binaḻídon noḷogat bo diá in mangaḻenea, kotánea mita in nodait kinaan in tuḷú, pinomayádon mako diá in mogogutun.


Iko ain sinoḻikudan nami, táe nomanasaḷ in kami kon aid tatua. Naonda in ihukum-Mu in kami, kinumuyung in kami sin norobonoḷ in gina. Nooyá in kami bo nobaḻí mokooyá popisí in binaradosadon kon dodai in noguodpa.’


Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.


Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?


Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”


Dá, pogumandon kon i monia kon mosia in bangusa tobatú inta doí motoindudui kon i-Nakó, Tuhan, Allah monia. Mosia in doí mobalajar nongkon hukuman inta ain kinorasaannea. Kotoindudui kon i-Nakó in noinggamádon, nodapot in diá bidon inouman bui.”


Butá tanaa in mobaḻídon rawang inta noḷogat. Tosingogon pia in gina bo tosingogon in rame ponikaan in pogogaion-Kudon kon kotá mita in Yohuda bo kon daḷan mita in Yerusalem.


Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”


Nopaḷut mako kon tua diádon inumado-adop in sia in sumundaḷ bo mopoontongdon in awaknea kon intau mita. Mobú in Akuoi in mokoontong kon inia, ná kobú-Ku mokoontong kon i guya-guyangnea.


Ki inámu in sundaḷ diá kotoguoyá. Sia in noguman, ‘Akuoi in mayábí kon inta kinotabiku mita inta nobogoi kon inakó in kaanon bo inumon, wol bo kaeng linen, ḷana in zaitun bo anggur.’


Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”


Kon tungkuḷ in moiko kon pinoḷumbúanpa kon butá in musungmu mita, butámu inta diá dodai onda noigogai diá pinonompinomuḷaan, moisimayatdon mako bo kasampatanneadon moigogai.


Kon raian-Ku, ‘Tanaa in notantúbí kon umat-Ku in mohoromat kon i-Nakó bo mokidongog kon bayongan in toboḷow-Ku. Notantú bí kon kinotoropan monia totundú inta inogoi-Ku kon i monia.’ Táe noniata magí, nodugangbí in aid monia moraat nongkon inta muna.


Aka kuma bo mosia mobijaksana, momangaḻebí in mosia, bo morai kon kopaḷutan monia.


Titsatireni:

Zotsatsa


Zotsatsa