YEREMIA 6:17 - Alkitab Singog In Mongondow Masa In Tanaa

¹⁷ Bo ki Tuhan in nopobui-buimaidon in noduí kon moḷoḷukad mita sin mopotoingat kon i monia sinbá mokidongog kon singog in torompet saḷaku tomponuot. Táe umat in noguman, “Kami in doíbí mokidongog.”

YEREMIA 6:17 Mawu Ofanana

YESAYA 21:11

Naa in koyow kon Edom. Oyúon in intau in momaḷú kon i-Nakó nongkon Edom, “Ei, moḷoḷukad, moonggotpa degá in doḷom tanaa? Tongonupa nojam bo mobayag?”

YESAYA 56:10

Guman i Tuhan, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

YESAYA 62:6

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea.

YEREMIA 18:12

Táe mosia in motubagbí, ‘Onu in baragunanea? Kami in umuranbí dumudui kon ibog nami tontaní! Kami kon batúannea in mogaidbí kon ibog in gina nami inta moraat!’ ”

YEREMIA 25:4

Ki Tuhan in umuran doman mopotabá mangoi kon inimu in nabi mita mogogundoi-Nea, táe moiko in doíbí mokidongog bo monaridi kon i monia.

YEREMIA 6:18

Manangka intua ki Tuhan in noguman, “Indongogai, ei bangusa mita! Mustibí kotaauan monimu onu in mobaḻí kon umat-Ku.

YEREMIA 7:28

Dá, pogumandon kon i monia kon mosia in bangusa tobatú inta doí motoindudui kon i-Nakó, Tuhan, Allah monia. Mosia in doí mobalajar nongkon hukuman inta ain kinorasaannea. Kotoindudui kon i-Nakó in noinggamádon, nodapot in diá bidon inouman bui.”

YEREMIA 8:5

Táe nongonu sin moiko, umat-Ku in umuranbí monoḻikud bo monaḷámai kon i-Nakó? Moiko in rimigonbí in kumadai kon berhalamu, bo doí mobui mangoi kon i-Nakó!

YEHEZKIEL 3:7

Táe bangusa in Israel in doíbí mokidongog kon inimu, nodapot in Akuoi in diábí doman pinandungmai monia. Mosia komintan pamandot bo moibog momaḷawang.

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

HABAKUK 2:1

Akuoi in moibog moponik kon ḷangkeang poḷoḷukadanku, bo mogoḷat mongo onu in poguman i Tuhan kon inakó, bo naonda in tubag-Nea kon amuiku.

ZAKHARIA 1:4

Dikadon ná mogoguyangmu. Dungkuḷmai nabi mita nopotaau in koyow-Ku kon i monia sinbá mosia in dikadon bui mogaid kon inta moraat bo dosa. Táe diá in mosia nopandungmai bo doí tumoindudui kon i-Nakó.

ZAKHARIA 7:11

Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog.

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.