YEREMIA 6:14 - Alkitab Singog In Mongondow Masa In Tanaa

¹⁴ Kekeb mita in umat-Ku inanggap monia in kekebbí mointok. ‘Ah, diábí nongonu,’ guman monia, ‘komintanbí mopia bo moodom.’ Bokaka totokbí in diá.

YEREMIA 6:14 Mawu Ofanana

SAMUEL 2 17:3

Táe bayongan in intaunea in daitonkubí diaan mangoi kon i Tuangku naonda bo nonikaan bobay mobui mangoi kon i buḷoinea ḷoḷaki. Sin koibog i Tuangku in tongábí nyawa in intau tobatú? Ibanea in diábí onu-onuon.”

YESAYA 1:6

Nongkon uḷu nodapot kon paḷad in sioḷ diádon in nopia in kon awakmu. Moiko in nopuḻingdon in bobagá mita, inumuḷo-uḷow bo paḻí mita. Paḻímu mita tatua in diápa dinaritan andeka binakut, diá doman inundaman in ḷana.

YESAYA 30:10

Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

YESAYA 30:26

Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.

YEREMIA 14:13

Bo akuoi in noguman, “O Tuhan Inta Totok in moḷantud, kinotaauan-Mu kon nabi mita ain noguman kon rayat kon diábí in parang andeka gogoy, sin Iko in nodandidon kon butá tanaa in umuranbí oyúon in dodamean.”

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 23:17

Kon intau mita inta doí mokidongog kon tosingogon-Ku mita, mosia in umuranbí moguman, ‘Moiko in mosaḷamatbí.’ Bo kon bayongan in intau inta pamandot, mosia in moguman, ‘Iko in diábí mokouḻí kon bodito.’ ”

YEREMIA 28:3

Kon bonu in doyowa notaong tanaa Akuoi in mopobuibí in pakakat mita nongkon Baḷoi-Ku, inta ain inakut pinobayá in Babel i Datu Nebukadnezar.

YEREMIA 4:10

Bo akuoi in noguman, “Tuhan Inta Totok in moḷantud, Iko in nonguboḷdon kon intau in Yohuda bo intau in Yerusalem! Iko in noguman kon moiangoi in dodamean, bokaka tanaa in kobiagan nami in inindoyódon in pitow.”

YEREMIA 5:12

Umat i Tuhan in noguman kon inta diá totuu soaḷ ki Tuhan. Mosia in noguman, “Ah, Sia in diábí momia kon onu bo onu. Kita in diábí kotugatan in bodito bo diábí doman koumaan in parang andeka gogoyon.

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

YEHEZKIEL 13:10

Ei nabi mita inta deeman totuu nabi! Moiko in nopoḷaḻedon kon umat-Ku pinongin tosingogon kon bayongan in yagi-yagi moaman bo notoinutdon. Bokaka diábí! Umat-Ku in noposindogdon in dinding tela inta noḷungkag in pinogogaid, onda intua namangoi in moiko bo nopocet in kapur.

YEHEZKIEL 13:16

ei nabi mita inta deeman totuu nabi! Moiko in nonoḻindap kon Yerusalem in noaman bo notoinutdon, bokaka totokbí in diá!” Natuata in guman i Tuhan Inta Totok in moḷantud.

YEHEZKIEL 13:22

Intau mita mopia inta diá pomiaan-Ku ibo-ibog, in ginogondokdon monimu takin ouman uboḷmu. Intau mita moraat duíon monimu sinbá umuran mogaid kon dosa bo diá posaḷamaton.

YEHEZKIEL 14:9

Aka nabi tobatú bo inuboḷandon dá nobogoidon in tubag noitaḷá, yo Akuoibí in inta ain nonguboḷ kon inia. Akuoi ki Tuhan Inta Totok in moḷantud in nopoyayúdon kon inia nongkon intau mita in Israel.

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

PETRUS 2 2:1

Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.