YEREMIA 51:53 - Alkitab Singog In Mongondow Masa In Tanaa

⁵³ Umpakabí Babel mokotakod kon ḷangit bo moposindog in tampat poḷoḷukadan inta diá kodapotan, Akuoi in tantúbí mopotabá kon intau sin momoguyaat kon tua. Akuoi, ki Tuhan, in nosingog.”

YEREMIA 51:53 Mawu Ofanana

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

AYUB 20:6

Umpaka kawasanea nodapot in toḷungayá, modapot in uḷunea moitunduḷ kon goḷom,

YESAYA 13:17

Ki Tuhan in noguman, “Akuoi in nopotabá kon bangusa in Madai sin monubu kon Babel. Mosia in diábí motaau sogóon in saḷaka andeka buḷawan.

YESAYA 41:25

Akuoi in nopotabádon kon intau tobatú nongkon dotá pomukaan: Inoiní-Ku in sia sin monubu nongkon dotá in utuan. Mongongawasa mita in ritakannea mangoi naonda bo yoná, naonda bo momomia kon kuyon moritak kon butá ḷamentong.

YESAYA 47:5

Ki Tuhan in noguman kon Babel, “Kibio-biómaidon, bo tuotdon kon bonu in sindip. Iko in diá bidon bui tangoion ‘Bokí in dodatuan mita.’

YESAYA 47:7

Kainimu kamai dá iko in mobaḻíbí bokí kinoouput in kobiagan, bo diábí kinotaauan andeka diá norai kon kopaḷutannea.

YEREMIA 49:16

Iko in koakaḷanbí in aidmu inta mododia. Diábí in moondok kon inimu ná kainimu. Iko in mogutunbí kon sigad mita in batu, kon tudu in buḷud. Táe, umpaka inaidanmu in baḷoimu kon tampat inta moḷantud totok, ná koḷantud in pugad in ḷagapan boniá, yo poponagonbí doman i Tuhan in iko nongkon tua. Ki Tuhanbí in noguman kon tua komintan.”

YEREMIA 50:21

Ki Tuhan in noguman kon bangusa tobatú nongkon utuan, “Tubudon in intau kon Merataim bo Pekod. Ḻimod bo yopú in mosia. Aidai onu inta pinarenta-Ku. Akuoi, ki Tuhan, ain nosingog.”

YEREMIA 50:25

Baḷoi pototagúan-Ku kon pakakat in parang-Ku ain binukatan-Ku, bo takin torú pinoḷuai-Kudon in pakakat mita in parang tatua, sin Akuoi in Tuhan Inta Totok in moḷantud musti mopobayá in oaidan-Ku kon Babel.

YEREMIA 50:45

Tuamai, indongogaidon onu inta sinomayá-ku kon kotá in Babel, bo onu in aidan-Ku kon intaunea mita. Ki adí doman mita monia in uguton pobayá, bo bayongan in intau angoiandon in ondok.

YEREMIA 51:11

Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

YEREMIA 51:25

Ei Babel, iko in naonda bo buḷud inta nokorimumud kon sinangkub in dunia. Táe Akuoi, ki Tuhan, in moḷawangbí kon inimu. Iko in uguton-Kubí bo ḻitoion-Ku bo pomayá-Kudon mako mopokak mobaḻí ḷobud.

YEREMIA 51:48

Bayongan inta kon ḷangit bo kon butá in morogiowbí pia in gina aka Babel moiḷabú kon bonu in kawasa in bangusa nongkon utuan inta mamangoi sin morimumud kon inia.

YEREMIA 51:56

Mosia in mamangoi sin momoguyaat kon Babel, modomok kon tontaranea mita bo momutoḷ kon pakakat mita in parang monia. Akuoibí in Tuhan inta mohukum kon aid moraat, bo Babel in tuḻían-Kubí podudui in aidnea.

YEREMIA 51:58

Dinding in Babel inta mongoropot mita in rimumudon-Kubí modapot in motondodaidon in butá. Bonawangnea inta mongoḷantud in turubon-Kubí komintan. Diábí in mangaḻenea in inta ḷongasi in bangusa mita, sin komintan bungai in aid monia in kaanonbí in tuḷú. Akuoi, ki Tuhan Inta Totok in mokawasa, ain nosingog.”

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

AMOS 9:2

Umpakabí mosia tumuot kon dunia in intau minatoi, singkapon-Kubí in mosia. Umpakabí moponik kon ḷangit, poponagon-Kubí in mosia nongkon tua.

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

HABAKUK 2:9

Kinutukdon in iko! Iko in mopooyúon in motoḷuadímu pongin kauntungan inta nouḻímu pinodoyon kon aid moḻingá, sinbá baḷoimu tontaní in moodom bo moiḷagui nongkon susa bo bodito.