YEREMIA 51:51 - Alkitab Singog In Mongondow Masa In Tanaa

⁵¹ Moiko in moguman, ‘Kami in siningkuḻe bo pinokopo oyámai; kami in kinobuḻiandon in pogot popisí in intau mita ango-angoi iḻimitú kon yuang mita motusi kon bonu in Baḷoi i Tuhan.’

YEREMIA 51:51 Mawu Ofanana

MAZMUR 109:29

Biódon mako in intau mita inta moponapud kon inakó ḻibutan in empeng, bo oyá in mongoḷob kon i monia naonda bo jubah.

MAZMUR 71:13

Biódon mako in intau inta monubu kon inakó pokopooyáanmai bo yopúon. Biódon mako in intau inta moibog mopobodito kon inakó motoboḻingo bo ḻibutan in mokooyá.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

MAZMUR 79:12

O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

MAZMUR 89:46

Inimpoḷokan-Mu in kinotayowmobiagannea, bo sia in pinopokoḷoban in oyá.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 21:1

Naa in koyow kon Babel: Ná uḷu in tompot motoninsing moitaḻib kon padang gurun, natuata in koangoi in bodito nongkon butá inta motoyang.

YESAYA 47:1

Ki Tuhan in noguman, “Ei, Babel, poponagdon nongkon pomomarentaanmu, bo ḻitúdon kon tudu in ḷobud. Iko in diá bidon mosoing bo mopia ná dungkuḷmai.

YEREMIA 14:3

Bobantung mita in intau nooyúon pinoki tayakan magí mako in tubig; mosia in minayá noindoi kon bayongan in parigí táe tubig in nodaitdon komintan. Diádon in bonu in kendi inta dinia bui mangoi monia. Takin ḻia-ḻiaw in gina bo kinobuḻian in kamang nooyá in mosia bo nomompon kon pogot.

YEREMIA 31:19

Iko ain sinoḻikudan nami, táe nomanasaḷ in kami kon aid tatua. Naonda in ihukum-Mu in kami, kinumuyung in kami sin norobonoḷ in gina. Nooyá in kami bo nobaḻí mokooyá popisí in binaradosadon kon dodai in noguodpa.’

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 5:1

Toropdon, kaasí Tuhan, onu inta nobaḻí kon inami. Bobuidon in kami, bo indoiaika in kohohina nami.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 36:30

Dugangan-Kubí in kotoḷubú in pangkoi mita in ayopmu bo bungai mita in pinomuḷa kon gobámu, dá moiko in diádon kon dodai in onda moiyitak kon malarat in kaanon inta mokoraat kon tangoimu kon sigad in bangusa mita.

YEHEZKIEL 7:18

Mosia in mopomaké in kaeng karong bo bayongan in awaknea in gumugurbí. Uḷu monia in ḷogatanbí bo mosia in pokopooyáanbímai.

YEHEZKIEL 9:7

Ki Allah in noguman kon i monia, “Kotoraidon in Baḷoi-Ku tanaa! Puḻingaidon in palasnea mita in mayat mita. Pangkoiaidon!” Dá nomangkoi domandon in mosia noḻimod kon intau mita kon bonu in kotá.

DANIEL 11:31

Bo sia in nokidia in tontara mita inta nokokotor kon Baḷoi i Tuhan. Mosia in momopatbí kon kuruban muḷoi in singgai bo moposindog in inta mokokoningkim inta sinangoian Aid moraat inta mokorimumud.

AMOS 7:9

Tampat mita inta pinaké in buí i Ishak poibadaan in rimumudonbí. Tampat mita motusi in intau in Israel in umpagon. Yopúon-Kubí in buí i Datu Yerobeam.”

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.