YEREMIA 51:40 - Alkitab Singog In Mongondow Masa In Tanaa

⁴⁰ Mosia in diaan-Kubí sin ratáan naonda bo ki adí in domba, bembé, bo domba koḷakian. Akuoi ki Tuhan, ain noguman.”

YEREMIA 51:40 Mawu Ofanana

MAZMUR 37:20

Táe intau moraat in moyopúbí, musung i Tuhan in moinggamábí naonda bo bungang kon rawang, mosia in mobuḻibí kon bonu in poyok.

MAZMUR 44:22

yo notantúbí kon kinotaauanbí i Allah, sin kodoḷopan-Neabí in onu inta noibuni kon gina nami.

YESAYA 34:6

Pitow i Tuhan in mototuyúdon in dugú bo mopuḻingdon in ḷongó monia, naonda bo dugú bo ḷongó in mahaḷuk kuruban. Sin ki Tuhan in moposadiadon in kuruban kon Bozra, bo mogaid kon poyopúan moḷoben kon butá in Edom.

YEREMIA 48:15

Moab bo kotánea mita in irimumudon, bo intau mita moguodnea inta mongopia ain iḻimod. Akuoi in nosingogdon. Akuoi in datu, Tuhan Inta Totok in mokawasa.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEHEZKIEL 39:18

Mosia in motaaubí in mokaan kon mayat mita in intau mita in pahlawan, bo monginum kon dugú in mongongawasa mita in dunia. Pahlawan mita bo mongongawasa tatua in ḻimodonbí naonda bo bembé mita koḷakian andeka ki adí mita in bembé, andeka bantong mita inta moḷomumu.