YEREMIA 51:26 - Alkitab Singog In Mongondow Masa In Tanaa

²⁶ Diábí tobatúmai in batu nongkon kinorumbunanmu in pakéonpa bui mobaḷoi. Iko in mobaḻídon naonda bo padang gurun modapot in mononoi. Akuoi, ki Tuhan, ain nosingog.”

YEREMIA 51:26 Mawu Ofanana

YESAYA 14:23

Babel in baḻíon-Ku rawa mita inta pogutunan in monikuḷu. Babel in kaitan-Kubí kodariton. Akuoi, ki Tuhan Inta Totok in mokawasa ain nosingog.”

YEREMIA 25:12

Mopaḷut mako kon tua Akuoi in mohukum kon bangusa in Babel bo datunea popisí in dosa monia. Butá in Babel in rumbunon-Ku bo bióon-Ku mako in morimumud modapot in mononoi.

YEREMIA 51:29

Butá in moḷundan bo modandú popisí in Akuoi koyogot mopobayá in tomayá-Ku sin mopobaḻí kon Babel tampat moḷogat inta diádon inutunan in intau.

YEREMIA 51:37

Butá tatua in mobaḻíbí bonturungan in goguyaatnea, pogogadopan in ungkú in kayuon. Mokoningkimbí in intau in moindoi kon inia, bo diábí tobatúmai in intau in moibog mogutun kon tua.

YEREMIA 51:43

Kotánea mita mobaḻí tampat inta mokokoningkim, naonda bo padang gurun inta noḷogat. Diábí in intau in moibog mogutun andeka tumaḻib kon tua.