YEREMIA 51:16 - Alkitab Singog In Mongondow Masa In Tanaa

¹⁶ Tongá pinongin parenta, nogonugurdon in tubig kon toḷungayá. Nongkon popod mita in butá pinoangoi-Nea in goḷom, bo binaḻí-Nea in kilat nonindar kon bonu in uyan, bo pinopoangoi-Nea in tompot nongkon pinotagúan-Nea.

YEREMIA 51:16 Mawu Ofanana

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

AYUB 37:13

Ki Allah in nobogoi in uyan sin momuntad kon butá, andeka doman mohukum kon umat intau; degá mopoontong doman kon i monia, kon totuu moḷoben in tabi-Nea inta mononoi.

AYUB 38:22

Nokoimontandon degá iko in namangoi kon pototagúanku mita tampat in salju bo uyan batu,

AYUB 40:9

Moropot degá in iko ná Akuoi? Degá mokogonugur in singogmu ná singog-Ku?

MAZMUR 104:7

Kon dodai in ginuakan-Mu, tubig tatua noiḻig, noiḻig notorú popisí in doḷodok in singog-Mu.

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

MAZMUR 147:18

Bo pinodoyon kon parenta-Nea eis tatua in notatom; Sia in nopoirup in tompot, dá tubig in noiḻig domandon.

MAZMUR 18:13

Nongkon kilat inta kon tayowon-Nea, iḷumuaidon in goḷom, uyan eis bo tuḷú.

MAZMUR 46:6

Ki Allah in nogutun kon tua, dá kotá tatua in diábí moinggamá; Tuḷungan-Neabí kon dodai in modiugdon mobayag.

MAZMUR 68:33

Podondongdon kon i Allah, ei bayongan in dodatuan, podondongdon in dodayow kon i Tuhan,

MAZMUR 78:26

Pinoki pogirupan-Nea in tompot in pomukaan; pinongin kawasa-Nea tompot in toḷatan nogirup.

IḶUAIAN 10:13

Ki Musa in nopotonggó doman in tungkudnea bo ki Tuhan nopoangoi in tompot nongkon pomukaan bo nogirup kon butá tatua singgai bo doḷom. Aka modiugdon mobayag tompot tatua mogirup mopoangoi in pangkoḷá mita

IḶUAIAN 10:19

Dá binuroudon bui i Tuhan in pinogogirup in tompot, pinangkoidon nongkon toyopan inta totok in moropot. Pangkoḷá mita tatua inirup in tompot bo pinobayá in Dagat Gelagah. Tobatúmai diádon in kinotaḷáan kon butá in Mesir.

IḶUAIAN 14:21

Bo ki Musa in notundúdon kon dagat, bo binaḻídon i Tuhan tompot in pomukaan nogirup noropot totok nodapot in tubig in dagat noondir. Tonggobii tua tompot tatua umuran nogirup, bo nomaḷui kon dagat nobaḻí butá inta noingkag.

YEHEZKIEL 10:5

Singog in pongaḻikokaban in kerub mita tatua in kinodongogan nodapot kon palas kon ḷuai, naonda bo singog i Allah inta Totok in mokawasa.

AMOS 9:7

Ki Tuhan in noguman, “Ei umat in Israel, Akuoi in nonaridimai kon intau in Sudan ná pinononaridi-Kumai kon i monimu. Akuoi in nodiadon kon intau in Pilistin nongkon Kreta bo intau in Siria nongkon Kir ná pinododia-Ku kon i monimu nongkon Mesir.

YUNUS 1:4

Ki Yunus in minayá in tampat inta kon ḻimonagan totok bo inumuḻid kon tua, bo nosiug noḷoḷot. Noiduduimai kon tua pinoangoidon i Tuhan in tompot moropot kon dagat, bo nobaḻídon in bokoḷ inta totok in motoyang, inta nondangat kon kapaḷ tatua dá gogiódon bo morimumud. Intau mita in kapaḷ nongoondokdon totok bo nomaḷúdon mokituḷung, kon batúannea mokituḷung kon dewanea-dewanea. Tobatú daya monggaat kon anib moitaḷom, mosia in noḷumbú kon datog in kapaḷ in kapaḷ tatua kon bonu in dagat.

YUNUS 4:8

Naonda in nomukádon in mata in singgai, ki Allah nopoangoi in tompot mopatú inta nogirup nongkon pomukáan. Ki Yunus gogió bo notambuḷoḷok popisí in inonag in singgai inta nádon onda bo momokak kon uḷunea. Noinggamádon in kamangnea bo moibogdon totok matoi. Sia in noguman, “Mopia-piabí kon matoi in akuoi dika in mobiag!”