YEREMIA 51:11 - Alkitab Singog In Mongondow Masa In Tanaa

¹¹ Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

YEREMIA 51:11 Mawu Ofanana

DATU MITA IMITÁNEA 11:14

Dá binaḻídon i Tuhan in ki Hadad, intau tobatú inta buí i datu in Edom, nosaturu kon i Datu Salomo.

DATU MITA IMITÁNEA 11:23

Binaḻí doman i Allah in ki Rezon, adí i Elyada, nosaturu kon i Salomo. Ki Rezon in ata inta noḷagui nongkon i Tuangnea inta ki Datu Hadadezer nongkon Zoba.

TAWARIKH 1 5:26

Tuamai in pinopogonúdon i Allah kon i Pul datu in Asyur, dá minayádon in sia nonubu kon butá tatua. Ki Pul in tangoi-tangoion doman ki Tiglat-Pileser. Bo suku Ruben, Gad bo suku Manasye inta kon dotá in pomukaan kon Yordan in dinianea nobaḻí intau mita inta sinokodakop kon parang bo iḷumbú kon Halah, Habor, Hara bo kon tampat tobatú inta kon diug in Ongkag in Gozan. Kon tua in pinogutunan monia bo notantú nodapot in singgai naa.

TAWARIKH 2 36:22

Kon taong imitánea kon pinomarentaan i Kores, datu in Persia, Ki Tuhan in nogaidon kon onu inta pinoguman-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuai in parenta tobatú inta bacaan kon bayongan in dodatuan nea. Nanaa in singognea:

EZRA 1:1

Kon taong imitánea kon pinomarentaan i Kores, datu in Persia, Ki Tuhan nogaid kon onu inta ain siningog-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuaidon in parenta tobatú inta binaca kon sinangkup in dodatuan nea. Nanaa in tombonunea:

YESAYA 10:26

Akuoi Ki Tuhan Inta Totok in mokawasa, in mosambokbí kon i monia in sambok uwoi, ná Akuoi nosambok kon intau in Midian kon Buḷud in batu Oreb. Asyur in hukumon-Kubí, ná Akuoi nohukum kon Mesir.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 21:5

Inontongku doman in pinongaanan bobutungan inta ain sinadia; ḷoḻitúan in intau mita inta sinoko oiní ain sinadia. Mosia in nongaan bo nonginum. Bo daḻídon kinodongogan in parenta: “Ei porwira mita! Sadia in kaḻeawmu!”

YESAYA 41:25

Akuoi in nopotabádon kon intau tobatú nongkon dotá pomukaan: Inoiní-Ku in sia sin monubu nongkon dotá in utuan. Mongongawasa mita in ritakannea mangoi naonda bo yoná, naonda bo momomia kon kuyon moritak kon butá ḷamentong.

YESAYA 45:1

Ki Tuhan in nomiḻídon kon i Kores nobaḻí datu; sia in sinundú sin monaḷow kon bangusa mita bo momutoḷ kon kawasa in datu mita. Ki Tuhan in momukatbí kon bonawang mita in kotá tuotannea, diábí tobatúmai in pomayá mako moiḻingkop. Ki Tuhan in moguman kon inia,

YESAYA 45:5

Akuoibí naa in Tuhan, diábí in ibanea mako, Akuoi in Allah inta diá in toḻinduanea. Iko in ain sinon pakakatan-Ku, umpakabí diá kinotaauanmu in Akuoi.

YESAYA 46:11

Akuoi in mogoiní kon mongongawasa tobatú nongkon dotá in pomukaan sia in mamangoi naonda bo ḷagapan turá sin mopobayá in onu inta ain siningog-Ku Onu in inta ain siningog-Ku notantúbí kon aidan-Kubí, onu in sinomayá-Ku notantú bidon kon pomiaan-Ku.

YEREMIA 46:3

“Porwira mita in Mesir mopobaḷú kon tontaranea mosadia, ‘Ruitai in pandong! Pogiḷambungdon in ḷambung uatoi bo sapoyo uwaja! Sadia in kaḻeaw bo tuotdon kon bonu in pipidan! Moiko, tontara tumotakoi kon kabaḷo, popoḷutudon in sabarak! Takoiaidon in kabaḷomu, bo bayá poparang!’

YEREMIA 46:9

Poribatukdon, ei kabaḷo! Bayádon, ei kereta! Unadon, ei intau mita mongobarani inta nodia kon kaḻeaw nongkon Sudan bo Libia. Bo moiko doman, ei inta mongotoyang momiot nongkon butá in Lidia.’ ”

YEREMIA 50:25

Baḷoi pototagúan-Ku kon pakakat in parang-Ku ain binukatan-Ku, bo takin torú pinoḷuai-Kudon in pakakat mita in parang tatua, sin Akuoi in Tuhan Inta Totok in moḷantud musti mopobayá in oaidan-Ku kon Babel.

YEREMIA 50:3

Bangusa tobatú nongkon utuan in mamangoibí monubu kon Babel bo mopobaḻí kon butá tatua moḷogat moingkag. Intau bo mahaḷuk in moroḷagui, bo diá bidon in moibog mogutun kon tua.”

YEREMIA 50:45

Tuamai, indongogaidon onu inta sinomayá-ku kon kotá in Babel, bo onu in aidan-Ku kon intaunea mita. Ki adí doman mita monia in uguton pobayá, bo bayongan in intau angoiandon in ondok.

YEREMIA 50:9

Potabá-Kubí in tongonumai in bangusa inta mongoropot nongkon utuan sinbá monubu kon Babel. Tompiaanbí monia in pipidan sin moparang monayow kon Babel bo monaḷow kon i monia. Mosia in momomiot mita inta mongotoyang inta diábí nokoimontanmai in moitabat.

YEREMIA 51:12

Ogoiai in tomponuot in monubu kon dinding mita in Babel. Iropotai in poḷoḷukadan. Ogoiai in moḷoḷukad. Posadia in modomok!” Ki Tuhan in nopobayádon kon onu inta sinomayá-Nea kon intau in Babel.

YEREMIA 51:24

Ki Tuhan in noguman, “Indoiaidon tontaní naonda in Akuoi in tanaa motuḻí kon Babel bo intaunea bayongan in aid moraat inta inaidan monia kon Yerusalem.

YEREMIA 51:35

Intau inta nogutun kon Sion, pogumandon, “Igumon mako Babel in kotugatan in ḻingá inta pinopoaidnea kon i naton!” Intau in Yerusalem, pogumandon, “Igumon mako Babel in koantugan in roriga inta pinoantugnea kon i naton!”

YEREMIA 51:36

Tuamai in ki Tuhan in noguman kon intau in Yerusalem, “Akuoi in motuḷungbí kon pelekaramu bo motuḻí kon aid mita in musungmu mita kon inimu. Bokaká mita bo ongkag mita in Babel ingkagan-Kubí.

DANIEL 5:30

Kon doḷom doman tatua kinoḻimodandon in ki Belsyazar datu in Babel tatua.

YOËL 3:10

Tontaḷdon in mata in pajekomu mobaḻí kedang, bo tosilad roratabmu mobaḻí totumbuk. Bo intau inta moyangkó in musti moguman, ‘Akuoi in mayábí doman moparang naonda bo tontara!’

YOËL 3:9

Potaaudon in naa kon bangusa mita: Posadiadon sin moparang bo poridomok! Pokisindogaidon in intau mita mongobarani bo moḷoḷaki; sipundon in bayongan in tontara, bo bayádon!

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

ZAKHARIA 14:12

Ki Tuhan in mopoangoibí in panyaki inta mokokoningkim kon bayongan in bangusa inta ain noparang nonayow kon Yerusalem. Mata bo dilá monia, nodapot in bayongan in awak monia in mobongkogdon kobia-biagpabí mako.

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.