YEREMIA 50:16 - Alkitab Singog In Mongondow Masa In Tanaa

¹⁶ Dika pomayá mako intau in monompinomuḷa andeka mosipú kon bungai in boyónea kon butá tatua. Bayongan in intau ango-angoi inta nogutun kon tua in mobuibí kon butánea tontaní, popisí in moondok in mosia kon tontara inta monubu.”

YEREMIA 50:16 Mawu Ofanana

YESAYA 13:14

Intau ango-angoi inta nogutun kon Babel in moirangkapbí bo moḷagui mayá in ḻipúnea-ḻipúnea. Mosia in naonda bo rusa inta noḷagui nongkon moḷoḷutam, andeka paanan in domba inta diá in gombala.

YEREMIA 25:38

Naonda bo singa iḻumuai nongkon bubúnea, natuata in ki Tuhan iḻumuai sin mohukum kon umat-Nea. Koḻingáan in parang bo torú i Tuhan in nomaḷuidon kon butá tanaa nobaḻí padang gurun.

YEREMIA 46:16

Nobayong in tontaramu in noipintud bo noibanting. Mosia in nosigumanan, ‘igai mobui kon bangusa naton tontaní sinbá kita in kotaḻiban in anib in pitow in musung.’

YEREMIA 51:23

Iko in pakéon-Ku moyopú kon gombala bo bobiagonnea, monononggobá bo sapi inta pomajekonea, mongongawasa bo porwira mita moḷantud.”

YEREMIA 51:9

Intau ango-angoi inta nogutun kon tua in nosigumanan, ‘Kita in noḷongasidon notuḷung kon Babel, táe nolatdon! Maníka taḷaandon naton in butá tanaa bo mobui kon butá naton tontaní. Ki Tuhan in nohukumdon kon Babel totok in mobogat, bo norimumudon komintan.’ ”

YOËL 1:11

Ei monononggobá, pogamuidon! Ei monononggobá kon anggur, pongombaḷdon! Sin gandum, makoya bo bayongan in bungai in boyó nogoguyaatdon.

AMOS 5:16

Ki Tuhan Inta Totok in Mokawasa in noguman, “Kon daḷan mita in kotá intau in moguang bo mogamui popisí in morobonoḷ in gina. Nodapot in monononggobá mita in tokooiníon sin tumakin mongombaḷ moyotakin in intau mita inta sinokouboḻian moguang kon intau minatoi.