YEREMIA 50:10 - Alkitab Singog In Mongondow Masa In Tanaa

¹⁰ Babel in pogagowanbí, bo intau inta mogagow in mogamábí kon bayongan yagi-yagi kinooibogbí in ginanea. Akuoi, ki Tuhan, ain nosingog.”

YEREMIA 50:10 Mawu Ofanana

YESAYA 33:4

Naonda bo paanan in pangkoḷá intau monubu bo mogagow kon kaoyúonan monia.

YESAYA 45:3

Dá iko in ogoian-Ku kapunyaan kaoyúonan inta noibuni, sinbá kotaauanmu kon Akuoibí naa in ki Tuhan, Allah in Israel, inta ain nogoiní kon inimu podudui in tangoimu.

YEREMIA 25:12

Mopaḷut mako kon tua Akuoi in mohukum kon bangusa in Babel bo datunea popisí in dosa monia. Butá in Babel in rumbunon-Ku bo bióon-Ku mako in morimumud modapot in mononoi.

YEREMIA 27:7

Bayongan in bangusa in mobaḻíbí atanea, kon i adínea ḷoḷaki, bo kon i ompunea modapot in moiangoi in wakutunea negaranea tontaní moḷabú. Kon dodai intua bangusa in Babel in mobaḻí ata in bangusa mita inta moropot bo kon datu mita inta moḷoben.

YEREMIA 50:26

Tubudon in Babel nongkon bayongan in tampat, bo dangataidon in baḷoi mita pototagúan mita kon gandumnea! Sipundon in pakakat mita inta sinokoagow ná moiko mosipun kon gandum! Yompat in butá tatua! Dikabí in taḷaan!

YEREMIA 50:37

Rimumud in kabaḷo takin kereta in parangnea! Moyopúdon in tontara mita inta sinondanannea! Totok bidon in moyangkó in mosia! Payong komintan in bayongan in kaoyúonan in Babel! Agow in kapunyaannea!

YEREMIA 51:24

Ki Tuhan in noguman, “Indoiaidon tontaní naonda in Akuoi in tanaa motuḻí kon Babel bo intaunea bayongan in aid moraat inta inaidan monia kon Yerusalem.

YEREMIA 51:35

Intau inta nogutun kon Sion, pogumandon, “Igumon mako Babel in kotugatan in ḻingá inta pinopoaidnea kon i naton!” Intau in Yerusalem, pogumandon, “Igumon mako Babel in koantugan in roriga inta pinoantugnea kon i naton!”

YEHEZKIEL 11:24

Kon bonu in oontongon tatua, Roho i Allah nobingkat kon inakó bo dinia bui pinobayá kon intau mita intau iḷumbú kon Babel. Onda intua diádon inontong in oontongon tatua.

HABAKUK 2:8

Iko in nogagowdon kon nobayong in bangusa, táe bangusa mita inta nokoḷagui in mogagowbí bui kon inimu, popisí in pinoḻimodan inta ain inaidanmu, bo popisí in koḷoḻingámu kon ḻipú mita, bo kon kotá mita takin intaunea mita kon tua.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.