YEREMIA 5:22 - Alkitab Singog In Mongondow Masa In Tanaa

²² Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

YEREMIA 5:22 Mawu Ofanana

KINOBAḺIAN 1:9

Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

DATU MITA IMITÁNEA 13:28

Nouḻínea in mayat in nabi nongkon Yohuda tatua noiukatpa mako kon daḷan takin keledai bo singa in kon diugnea. Singa tatua in diábí nodomok kon keledai tatua, bo diábí doman nokaan kon mayat tatua.

AYUB 26:10

Ginambar-Nea in inta noḻimbung kon tayowon in baḷangon sin mopoyotondí in bayag nongkon sindip.

AYUB 37:24

Tuamai in patusbí in Sia horomaton i inekabí, bo intau inta mongaku moarip, diábí pinandung-Neamai.”

AYUB 38:8

Ki ine in noḻingkop kon ngara sin modimpot kon baḷangon kon dodai in nongkon bonu in gantog in butá iḻumuai in tubignea?

MAZMUR 104:9

Sinantú-Mu in sigadnea mita inta diá motaau bayáannea, sinbá diádon bui monagom kon butá.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

MAZMUR 46:3

Dá diábí moondok in kita, umpakabí modandú in dunia, bo buḷud mita moitaḷom kon apad in dagat;

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

AMSAL 8:29

kon tungkuḷ in Sia nomarenta kon tubig in dagat sinbá dika ḻimimpat kon tonsigadnea mita. Akuoi in kon tua doman kon dodai in aip in butá naa pinoompat-Nea.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 64:2

naonda bo tuḷú mopodokot in kayu bo mokodidí kon tubig. Poniatadon in kawasa-Mu kon musung-Mu mita, modapot in bangusa mita in mourot kon tayowon-Mu.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 31:35

Mata in singgai sinadia i Tuhan sin monimbayag kon tungkuḷ in singgai; buḷan bo tundi mita in monimbayag kon tungkuḷ in doḷom. Dagat in kinaui-Nea dá mobokoḷ monomburá, Ki Tuhan Inta Totok in mokawasa, tuata in tangoi-Nea.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

AMOS 4:12

Tuamai, ei umat in Israel, hukumon-Kubí in moiko. Dá posadiadon in tumayow kon hukuman inta bain pouma-Ku kon inimu!”

AMOS 9:6

Ki Tuhan in moposindog in baḷoi-Nea moyayú kon toḷungayá, kon tudu in butá pinosindog-Nea in ḷangit nobaḻí kubah, bo tubig nongkon dagat pinopobutak-Nea kon toba, inta nogaid kon tua mita tangoi-Nea in ki Tuhan!

YUNUS 1:16

Intau mita in kapaḷ tatua nobaḻídon noondok totok kon i Tuhan, bo naonda in sinumubu, mosia in noposumba in kuruban bo nopodandi in noyagi-yagimai kon i Tuhan.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MARKUS 4:39

Dá nobangondon in ki Yesus bo nongguak kon tompot tatua poḷat noguman kon danow tatua, “Kibio-biómaidon, kooyongdon!” Dá tompot nogogaidon, bo danow noḷonongdon totok.

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

ULANGAN 28:58

Aka moiko diá mosatia in dumudui kon bayongan in hukum i Tuhan Allahmu inta pinais kon bonu in buk tanaa bo diá mohoromat kon i Tuhan Allahmu inta mokawasa bo inta mokoherang,

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”