YEREMIA 5:17 - Alkitab Singog In Mongondow Masa In Tanaa

¹⁷ Mosia in mokopodaitbí kon bungai in boyó bo kaanonmu poḷat moḻimod kon i adímu mita. Biag sapi bo dombamu in ratáanbi monia, bo gobá mita in anggur takin pangkoi mita in aramu in tokoyompatonbí monia. Kotá mita inta dininding inta pongata monimu in rimumudonbí monia.

YEREMIA 5:17 Mawu Ofanana

YESAYA 62:8

Ki Tuhan in nodandidon takin ibot bo mopobayábí intua pinongin kawasa-Nea: “Akuoi in diá bidon mobogoi in gandummu kon musung; intau ango-angoi in diá bidon monginum kon anggurmu inta nouḻímu takin irumoriga.

YESAYA 62:9

Táe moikobí inta nosipun kon bungai in boyónea, in mokaan kon bungainea bo modayow kon Tuhan; bo moiko in nosipú kon bungai in anggur, in monginumbí kon tubignea kon bosí in Baḷoi-Ku.”

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEREMIA 4:26

Butá moḷumbá in nobaḻídon rawang noingkag, kotá mita in norimumud nobaḻídon rumbunnea, popisí in ki Tuhan in sinumorúdon totok kon umat-Nea. (

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 5:18

Ki Tuhan in noguman, “Umpaka natua, kon dodai intua umat-Ku in diábí yopúon-Ku.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEREMIA 50:7

Mosia in sinubu bo sinikisa in bayongan in intau inta moyodungkuḷ monia. Musung mita in umat-Ku in noguman, ‘Onu in inaidan naton, diábí noitaḷá, sin intau mita tatua in binaradosadon kon i Tuhan. Mogoguyang monia in mopirisaya kon i Tuhan, dá mosia in mustibí doman umuran motoindudui kon i-Nia.’

YEREMIA 8:13

Moibog totok in Akuoi mosipun kon umat-Ku naonda bo intau mosipun kon bungai in boyónea. Táe, umat-Ku in naonda bo pangkoi in anggur bo pangkoi in ara inta diá nomungai, nodapot in daunnea mita in noḷaot domandon. Tuamai Akuoi in nobogoidon kon intau ango-angoi in namangoi bo nongawasa kon butá monia. Akuoi, ki Tuhan, ain nosingog.”

YEREMIA 8:16

Musung in kon kotádon in Dan; kurik in kabaḷo in kodongogandon, bo sinangkub in butá noondokdon. Musung in namangoi sin morimumud kon sinangkub in butá naton, bo kotá doman naton bo bayongan in intau inta nogutun kon tua.”

OMBAḶ 2:12

Noḷopídon in mosia in nongombaḷ noigum kon kaanon bo inumon kon i inánea. Naonda bo intau kinekeban, mosia in noumpag kon daḷan mita bo minatoi kokoyo-koyot i inánea.

OMBAḶ 2:2

Bayongan in rawang in bonok kon butá in Yohuda, irimumud-Nea takin diá in tabi. Kon bonu in torú-Nea dinangatan-Nea nodapot in noumpag in dinding mita inta nogoḻingoi kon butá tatua. Dodatuan tatua takin itoinea mita iḷabú-Nea nodapot in mokooyádon.

HOSEA 2:12

Daiton-Kubí yompaton in pangkoi mita in anggur bo pangkoi mita in ara inta podudui kon inia nobaḻí tondan in pinobatuangannea kon intau mita inta nosiug takinnea. Baḷuian-Kubí in gobá mita in anggur bo gobá mita in aranea mobaḻí kayuon; mahaḷuk mita ḻindong in nomoguyaatbí kon tua.

HOSEA 8:14

Intau in Israel noposindog in komaḻig mita, táe mosia in nokoḻiong kon i Inta nomaḻí kon i monia. Intau in Yohuda nodugang kon kobayong in kotá mita inta dininding, táe Akuoi in mopoonagbí in tuḷú sin momagong kon bayongan in komaḻig bo kotá mita monia.”

YOËL 2:3

Naonda bo tuḷú inta momagong bo mokopokak yompaton monia in bayongan pinomuḷa. Kon dungkuḷ, butá tatua in naonda bo Eden, taman i Tuhan, noiduduimai kon tua, naondadon bo rawang in bungaion inta noingkag. Diádon onu bo onu in ki agatnea, diá in diá sinubu monia.

IMAMAT 26:16

yo hukumon-Ku in moiko. Popoangoi-Ku in bodito kon i monimu, mogobu bo mopatú inta diá koundaman, modapot in matamu mobilogdon bo kobobiag monimu in diádon mosanangmai. Moiko in monompinomuḷabí táe diábí moikaan kon bungainea, sin musungmu mita in momangoi bo monaḷow kon i monimu bo mogagow komintan kon onu inta pinomuḷa monimu.

ZEPANYA 3:6

Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

MALEAKHI 1:4

Aka buí i Esau, intau mita in Edom tatua in noguman, “Kotá mita nami ain irimumud, táe buibí posindogon nami,” dá ki Tuhan in motubag, “Mosia in motaaubí moposindog bui, táe bui-Kubí umpagon in sia. Mosia in tangoionbí ‘Butá moraat’ bo ‘Bangusa inta kinotugatan in torú i Tuhan modapot in mononoi.’ ”

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.