YEREMIA 49:7 - Alkitab Singog In Mongondow Masa In Tanaa

⁷ Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!

YEREMIA 49:7 Mawu Ofanana

KINOBAḺIAN 25:30

Sia in noguman kon i Yakub, “Akuoi in gogoyon totok. Ogoiaipa in berenebon topiḻik tatua.” (Tuamai sia sinangoian Edom.)

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

KINOBAḺIAN 36:15

Naa in tongguḷu in suku mita buí i Esau: ki Elipas, ki adí guya-guyang i Esau, in nobaḻí mogoguyang in suku mita tanaa: Téman, Omar, Zepo, Kenas,

KINOBAḺIAN 36:8

Dá ki Esau inta dinonoi doman ki Edom, nogutundon notantú kon buḷud in Seir.

TAWARIKH 1 1:53

Kenas, Téman, Mibzar,

AYUB 2:11

Bodito inta noiantug kon i Ayub in kinodongogandon in yobayatnea taya toḷu, ki Elipas, nongkon kotá in Téman, ki Bildad intau in Suah bo ki Zopar intau in Naama. Mosia in noyopakat kon mayá moindoi bo moḻipoi kon inia.

AYUB 4:1

Bo nosingogdon in ki Elipas, kainia: “Ayub, moyaat degá in ginamu aka mosingog in akuoi? Diádon mokotahang in akuoi in tongá umuran kibio-biómai.

MAZMUR 137:7

O Tuhan, toropdon in aid mita in intau in Edom kon tungkuḷ in Yerusalem iyompat. Mosia in noguman, “Umpagdon, umpagdon dapot in apadnea mita!”

YESAYA 21:11

Naa in koyow kon Edom. Oyúon in intau in momaḷú kon i-Nakó nongkon Edom, “Ei, moḷoḷukad, moonggotpa degá in doḷom tanaa? Tongonupa nojam bo mobayag?”

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YEREMIA 12:14

Ki Tuhan in noguman, “Naa in koyow-Ku soaḷ negara mita topodiugmai in Israel inta ain nomoguyaat kon butá inta inogoi-Ku kon umat-Ku Israel. Naonda bo pinomuḷa inta irabut nongkon butá, natuata in intau mita moraat tatua in poḷuaion-Ku nongkon butá mita monia, bo Yohuda in poḷuaton-Ku nongkon kawasa monia.

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 49:20

Tuamai, indongogaidon onu inta ain sinomayá-Ku kon intau in Edom, bo onu in aidan-Ku kon intau inta nogutun kon kotá in Téman. Ki adípa mita monia in diaanbí doman mayá, bo bayongan in intau in angoianbí in ondok.

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?

OMBAḶ 4:21

Ei bangusa in Edom bo Us, kosingdon mako, koḷungangadon, kon dodai in motaaupa! Bodito in moiangoibí doman kon inimu bo popisí in moḷoḷangu dá iko in momilangbí doman kon awakmu.

YEHEZKIEL 32:29

Edom in kon tua takin bayongan in datu bo mongongawasanea. Dungkuḷmai mosia in tontara mita inta mongoropot, táe tanaa mosia in noiboḻingkayang kon dunia in intau minatoi noyotakin in intau mita minatoi ibanea inta diá nonotaau kon i Allah.

DANIEL 11:41

Nodapotbí in butá inta mopia in tubuonneabí doman, bo puḷúan ribu in intau ḻimodonnea. Táe dodatuan mita in Edom, Moab bo tonsilai inta totok in moponting nongkon dodatuan in Amon in mosaḷamatbí.

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.

HABAKUK 3:3

Iko in ki Allah Inta Totok in motusi namangoi nongkon Téman, Iko in namangoi nongkon buḷud in Paran. Ḷangit kinokoḷoban in koagung-Mu; butá nopuḻing in dodayow kon ini-Mu.

ULANGAN 23:7

Dikabí in moiko diá mopandungmai kon intau in Edom sin mosia tua in ki utatmubí. Dikabí doman in moiko diá mopandungmai kon intau in Mesir, sin moiko in nokoimontandon nogutun kon butá monia.