YEREMIA 49:5 - Alkitab Singog In Mongondow Masa In Tanaa

⁵ Moiko in kotugatanbí in aid moḻingá inta popoangoi-Ku nongkon bayongan in intau. Moḷaguibí in moiko, kon batúannea in moposaḷamatbí in kobiagannea tontaní, bo diá bidon in mosipun bui kon i monimu.

YEREMIA 49:5 Mawu Ofanana

DATU MITA 2 19:7

Baḻíonbí i Tuhan in ki datu Asyur tua mokidongog kon habar in tompot dá mobuidon in sia kon butánea tontaní, bo ḻimodon in sia kon tua.”

AYUB 15:21

Singog mita inta motoyang inta mokobongoḷ kon bongoḷannea; kon tungkuḷ in noingongow mogogagow namangoi nonubu kon inia.

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

YESAYA 16:3

Mosia in noguman kon bangusa in Yohuda, “Pogumandon mongo onu in musti aidan nami. Kobaḻídon pononiungan nami inta mooḷom kon tungkuḷ in singgai moutu, bo pomayádon mako in kami in moniung kon siungonmu. Kami naa in moḷoḷagui; bunipa in kami bo dika mopoyagi-yagimai kon inami.

YEREMIA 15:8

Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

YEREMIA 16:16

Ki Tuhan in noguman, “Akuoi in mogoiníbí kon nobarong in mododomok kon toyá sin modomok kon intau mita tanaa. Onda intua mogoiní in Akuoi kon mogogungkú sin mogaḷow kon i monia kon bayongan in buḷud bo tombuḷudnea, bo kon angob mita in tombuḷud batu.

YEREMIA 20:4

Ki Tuhan tontaní in noguman, ‘Iko in baḻíon-Ku sindoyó kon inimu tontaní bo kon i yobayatmu mita. Iko in mokoontongbí kon i monia in ḻimodon in musung monia. Bayongan in intau in Yohuda in pomayá-Kubí mako in kawasaan in datu in Babel; tongosilai kon i monia in akuton nobaḻí intau dinakop pobayá in Babel, bo ki agatnea in ḻimodon.

YEREMIA 46:5

Táe Akuoi, ki Tuhan, nokoontong kon i monia inumundok sin moondok. Tontara mita monia in sinaḷow, bo noḷagui takin ondok bo diá bidon nobobui ná tumi.

YEREMIA 49:29

Agowdon in bobiagon domba, unta, takin ḷoḷaigan monia bo bayongan in tombonunea, bo pomaḷúdon kon i monia, ‘Indoyó moiangoidon kon i monimu komintan!’

YEREMIA 6:25

Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

OMBAḶ 4:15

Intau in moguman, “Bayádon nongkon naa! Nonajis in moiko, dika moḻiai kon i nami!” Dá minayádon in mosia bo nodondaḷoi nongkon bangusa tobatú minayá in bangusa ibanea, táe diábí inogoi i ineka in mogutun mokopotantú.

AMOS 4:3

Moiko in irudonbí pobayá ná Hermon bo pogambat kon ḷuai, kon batúannea bubú in dinding inta nodiug. Akuoi ki Tuhan ain noguman.”

YOSUA 2:9

bo noguman kon i monia, “Kinotaauankubí kon butá tanaa inogoidon i Tuhan kon i monimu. Bayongan in intau kon naa moondokdon kon i monimu.