YEREMIA 49:2 - Alkitab Singog In Mongondow Masa In Tanaa

² Táe moiangoibí in wakutunea baḻíon-Ku in intau inta nogutun kon Raba, ki iná in kotá in Amon tatua, mokodongog kon kokow in parang. Kotá tatua in mobaḻídon rumbunnea bo ḻipú mita kon diugnea in modait mopokak. Bo Israel in mogamá bui kon butánea nongkon intau mita inta dungkuḷmai nogagow.

YEREMIA 49:2 Mawu Ofanana

SAMUEL 2 11:1

Datu mita biasamai in mayá moparang kon sempo in pononubú in kayu. Bo kon sempo in pononubú in kayu kon taong tatua nopotabá in ki Daud kon i Yoab minayá noparang takin porwiranea mita bo bayongan tontara in Israel; bo nonaḷow in mosia kon intau in Amon poḷat noḻibut kon kotá in Raba. Táe nogutunpa in ki Daud kon Yerusalem.

MAZMUR 48:11

Tangoi-Mu kinotaauandon totok bo dinayow kon sinangkub in butá, Iko in nomarenta nokopoadil.

MAZMUR 97:8

Intau mita inta nogutun kon Sion bo kon kotá mita in Yohuda in nosanang naonda in nokodongog kon onu inta sinantú i Tuhan.

YESAYA 11:14

Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

YESAYA 17:1

Ki Tuhan in noguman, “Damsyik in deeman bidon mobaḻí kotá, táe mobaḻí bidon pinosipunan in apat mita.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 49:1

Naa inta pinoguman i Tuhan soaḷ Amon, “Nongonu sin butá in suku Gad in inagowbí bo iḻitúan in intau mita inta nosumba kon i Dewa Milkom? Eta degá diádon in intau in Israel inta mokoḷukad kon butá tatua?

YEHEZKIEL 21:25

Bo Akuoi in moguman kon i datu in Israel, ‘Ei datu inta moraat bo binaradosa! Pohukuman imbuitnea kon inimu in nodiugdon.

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.

OBAJA 1:19

Intau mita in Yohuda Toḷatan in ḻimitúbí kon Edom. Intau mita nongkon tombuḷud kon dotá in toyopan in monaḷowbí kon butá in Pilistin. Suku in Benyamin in mongawasabí kon Gilead, bo Israel umat-Ku in mongawasa kon sinangkub in Epraim bo Samaria.

PINOGIAPAN 10:9

Bo aka moiko moparang kon butá monimu sinbá diá kawasaan in musung inta monubu, irup in torompet mita tatua. Dá Akuoi, ki Tuhan Allahmu, in motuḷung bo moposaḷamat kon i monimu nongkon musungmu mita.

PINOGIAPAN 21:25

Natuata in pinongongagow in intau in Israel kon bayongan butá intau in Amori, noitakin doman in Hesybon bo bayongan kotá mointok inta kon diugneamai, bo nogutundon in mosia kon tua.

ULANGAN 13:16

Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

YOSUA 17:11

Kon bonu in butá i Isakhar bo i Asyer tua oyúon in butá mita kapunyaan i Manasye, tuata in Bet-Sean bo Yibleam takin ḻipú mita kon diugneamai. Noituot doman: in Dor (kotá inta noiukat kon bingkí in dagat), En-Dor, Taanakh, Megido takin ḻipú mita kon diugneamai.

YOSUA 17:16

Buí i Yusup tatua notubag, “Butá kon buḷud tatua in diábí tugat kon inami, bo bangusa in Kanaan inta nogutun kon rata mita inta moompá oyúon in kereta mita in parang inta pinomia nongkon uatoi – pinomayá inta nogutun kon Bet-Sean bo ḻipú mita inta kon diugneamai, ande mosia inta nogutun kon Ḷopá in Yizreel.”