YEREMIA 49:13 - Alkitab Singog In Mongondow Masa In Tanaa

¹³ Akuoi in mongibot podoyon kon tangoi-Ku tontaní kon kotá in Bozra in mobaḻíbí tampat inta mokokoningkim inta taḷaan in intau. Kosinganbí in intau bo tangoi monia in pakéon monia pongutuk. Bayongan in ḻipú kon diugnea in mobaḻídon dongka rumbunnea modapot in mononoi. Akuoi, ki Tuhan, ain nosingog.”

YEREMIA 49:13 Mawu Ofanana

KINOBAḺIAN 22:16

“Ki Tuhan noguman: Akuoi mongibot podoyon kon tangoi-Ku tontaní, sin iko ain nogaid kon soaḷ tanaa bo diábí nogindoí in moposumba kon i adímu tuḷong tua kon i-Nakó,

YESAYA 34:6

Pitow i Tuhan in mototuyúdon in dugú bo mopuḻingdon in ḷongó monia, naonda bo dugú bo ḷongó in mahaḷuk kuruban. Sin ki Tuhan in moposadiadon in kuruban kon Bozra, bo mogaid kon poyopúan moḷoben kon butá in Edom.

YESAYA 45:23

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.

YESAYA 63:1

“Ki ine in sia inta namangoi nongkon Bozra kon Edom? Ḷambungnea in nopura, pakeangnea in mopouḻi-uḻinag; sia in ḷumampang takin motorindog mako.” “Akuoibí in ki Tuhan inta mokoposaḷamat bo mamangoi modia kon habar kountungan.”

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 19:8

Akuoi in mopoantugbí in bodito inta motoyang kon kotá tanaa dá modapot in bayongan in intau inta moitaḻib kon tua in moitaḻikokogbí bo mokoningkim.

YEREMIA 44:26

Táe tanaa indongogai onu in poguman-Ku kon inimu, ei intau in Israel kon Mesir: Akuoi ki Tuhan, in mongibot podoyon kon tangoi-Ku inta momulia kon moiko in diá bidon ogoi-Ku mopomaké in tangoi-Ku aka momia kon dandi. Moiko in diá bidon motaau in moguman, Akuoi in mongibot podoyon kon tangoi i Allah inta nobiag!

YEREMIA 48:24

kon Keriot, bo kon Bozra. Komintan kotá in Moab, noyayú bo nodiug, ihukum-Kudon.

YEREMIA 49:22

Naonda bo ḷagapan boniá nondagit takin nosongká kon koḻikipnea, natuata in koangoi in musung bo mondagit kon Bozra. Kon singgai tatua tontara in Edom angoian in ondok naonda bo bobay inta mononggadí.”

YEREMIA 51:14

Ki Tuhan Inta Totok in mokawasa nongibot pinodoyon kon i-Nia tontaní kon Sia in mopotabá mangoi kon intau ná kobayong in pangkoḷá sin monubu kon Babel, bo mosia in mopobaḷú in baḷú kountungan.

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.

AMOS 1:12

Tuamai in potabá-Kubí mangoi in tuḷú kon kotá in Téman, bo momokak kon bayongan in benteng mita in Bozra.”

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

OBAJA 1:18

Umat-Ku Israel in nádon tuḷú inta momokak kon bayongan buí i Esau, naonda bo tuḷú momokak kon bayongan in wawa kon gobá. Diábí tobatúmai in buí i Esau in kotaḻiban. Akuoi, ki Tuhan ain nosingog!