YEREMIA 49:10 - Alkitab Singog In Mongondow Masa In Tanaa

¹⁰ Táe, Akuoi monimpat mokopodait kon buí i Esau bo momukat kon onu in noibuni kon tampat pogogadopan monia; mosia in diá bidon mokopogadop. Intau in Edom takin ki utatnea mita bo topodiug mita monia, komintan bidon iyopú, diá bidon tobatúmai in taḻiban.

YEREMIA 49:10 Mawu Ofanana

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

YESAYA 17:14

Kon tungkuḷ in moḷoḷabungdon mosia in mopoangoi in inta mokoondok totok, táe naonda in modiugdon mobayag mosia in moinggamádon. Tuata in ukur in bayongan intau inta mogagow kon i naton.

YESAYA 45:3

Dá iko in ogoian-Ku kapunyaan kaoyúonan inta noibuni, sinbá kotaauanmu kon Akuoibí naa in ki Tuhan, Allah in Israel, inta ain nogoiní kon inimu podudui in tangoimu.

YEREMIA 13:26

Akuoi tontaní in momerak kon ḷambung nongkon awakmu sinbá mopilangdon in moiko bo mooyá.

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

OMBAḶ 4:22

Sion in notarimadon kon hukumannea popisí in dosa mita inta ain pinomianea; tanaa in kami in diá bidon pomayá mako i Tuhan bo diá bidon diaan pobayá in poḷumbúan. Táe iko, ei Edom, in hukumonbí i Tuhan. Dosamu mita in poontongbí.

AMOS 9:3

Aka mogadop in mosia kon tudu in Buḷud Karmel, tayakon-Kubí bo domokon in mosia. Aka mogadop in mosia kon apad in dagat, yo potabá-Kubí in naga in dagat sin monumbaḷ kon i monia.

OBAJA 1:6

Ei buí i Esau, iko in sinuot bo kapunyaanmu inta noibuni in inagow doman.

OBAJA 1:9

Pojuang mita nongkon Téman angoianbí in ondok, bo bayongan in tontara in Edom in matoi.”

SURAT I PAULUS KON JAMAAT RUM 9:13

Kon bonu in Buk Motusi ain pinais nanaa, “Ki Yakub in kotabi-Ku, táe ki Esau in kodoí-Ku.”