YEREMIA 48:8 - Alkitab Singog In Mongondow Masa In Tanaa

⁸ Bayongan in kotá in morimumudbí, diábí tobatúmai in kotaḻiban. Ḷopá bo oyuknea komintanbí yompaton. Akuoi, ki Tuhan, ain nosingog.

YEREMIA 48:8 Mawu Ofanana

YEREMIA 15:8

Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 48:18

Ei intau in Dibon, poponagdon nongkon tampatmu inta ihoromat; ḻitúdon kon butá bo kon tudu in ḷobud. Sin ki inta momoguyaat kon butámu in noiyaputdon, bo morimumud kon bayongan in dindingmu.

YEREMIA 51:56

Mosia in mamangoi sin momoguyaat kon Babel, modomok kon tontaranea mita bo momutoḷ kon pakakat mita in parang monia. Akuoibí in Tuhan inta mohukum kon aid moraat, bo Babel in tuḻían-Kubí podudui in aidnea.

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

YEHEZKIEL 25:9

Tuamai in kotá mita inta moḷukad kon sigad mita in butá in Moab in pomayá-Kudon mako tubuon in musung moitakin doman in kotá mita inta totok in mogaga, tuata in: Bet-Yesimot, Baal-Meon bo Kiryataim.

YOSUA 13:17

noituot doman in Hesybon bo bayongan in kotá inta kon rata moḷantud tatua, tuata in Dibon, Bamot-Baal, Bet Baal-Meon,

YOSUA 13:21

Noiduduimai kon tua noituot doman in bayongan kotá kon rata moḷantud tatua, bo bayongan in butá inta kon bonu in kawasa i Sihon, datu in bangusa in Amori, inta koḻipod noiḻitú kon Hesybon. Sia bo pongawasa mita in Midian doman, inta ki Ewi, ki Rekem, ki Zur, ki Hur bo ki Reba, sinaḷow domandon i Musa. Komintan pongawasa tatua nokoimontandon in nomarenta kon butá tatua sin kopontingan i Datu Sihon.

YOSUA 13:9

Butá monia tua in nongkon Aroër (kon bingkí in Ḷopá in Ongkag in Arnon), bo kotá inta kon yua-yuak in ḷopá tatua. Bo bayongan in butá rata moḷantud nongkon Medeba nodapot kon Dibon