YEREMIA 48:45 - Alkitab Singog In Mongondow Masa In Tanaa

⁴⁵ Inanakan in moḷoḷagui inta kinodaitan in daya in minayá nogadop kon Hesybon, táe kotá tatua in koyogotdon in mopokak bo komaḻig i Datu i Sihon in kaanon domanmai in tuḷú. Tuḷú in nomokakdon kon butá pinosigadan bo buḷud in Moab, butá in intau mita inta moibog moparang.

YEREMIA 48:45 Mawu Ofanana

MAZMUR 135:11

ki Sihon datu in Amori bo ki Og datu in Basan, bo bayongan in datu kon Kanaan.

MAZMUR 78:63

Tayowmobiag mita monia pinokak in tuḷú; diá in mononibuḷoi kon mongodeaga mita monia.

YEREMIA 2:16

Ei Israel, buokmu in ginonsingan in intau in Mempis bo Tahpanhes.

YEREMIA 48:2

noinggamádon inta nokoyunggagá kon Moab. Musung in nogagowdon kon Hesybon bo kon tua mosia in nonomayá kon monginggamá kon sinangkub in bangusa in Moab. Singog mita kon kotá in Madmen in pogogaiondon, sin kotá tatua in tubuondon in tontara.

AMOS 2:2

Tuamai, potabá-Kubí mangoi in tuḷú kon butá in Moab, bo momokak kon bayongan in benteng in Keriot. Intau in Moab in matoibí kon yua-yuak in dowawá in parang, kon tungkuḷ in torompet inirup, bo kokow in parang pinokokowdon.

ZAKHARIA 10:4

Nongkon sigad monia piḻíon-Ku in pongawasa, bo panglima inta momarenta kon umat-Ku.”

PINOGIAPAN 21:21

Bo intau mita in Israel nopotabá kon totabá mita minayá kon i Sihon, datu in Amori, sin mopotaau in koyow tanaa,

PINOGIAPAN 21:26

Hesybon tua in ibukotá in Datu Sihon. Sia perna noparang takin i datu Moab bo nogagow kon butánea nodapot in kinoouputbí Ongkag in Arnon.

PINOGIAPAN 21:28

Nokoimontandon nobaḻí nongkon kotá tanaa tontara in Sihon nonubu naonda bo tuḷú. Inta nokorimumud kon kotá in Ar kon Moab, bo nongawasa kon buḷud mita inta kinoouput in Arnon.

PINOGIAPAN 21:29

Ei bangusa in Moab, mobodito in iko! Mososumba kon Kamos, moyopú in iko! Iko pinomayá mako i dewamu nobaḻí ḷagu-ḷagui, intaumu mita bobay nobaḻí intau inta dinakop i datu in Amori.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”