YEREMIA 48:44 - Alkitab Singog In Mongondow Masa In Tanaa

⁴⁴ Intau inta moḷagui nongkon gogondok in moḷabúbí kon bonu in bubú, bo inta ḷumuai nongkon bubú tatua in kodomokanbí in poyogaḷap. Tua mita in mobaḻíbí kon wakutu inta ain sinantú-Ku kon morimumud kon Moab.

YEREMIA 48:44 Mawu Ofanana

DATU MITA IMITÁNEA 19:17

Ki ineka in diá ḻimodon i Hazael, yo ḻimodonbí i Yehu, bo mosia inta mokoḷagui nongkon i Yehu yo ḻimodonbí i Elisa.

DATU MITA IMITÁNEA 20:30

Intau mita inta nokoḷagui, noḷagui minayá in kotá in Apek, táe dinding in kotá tatua noumpag bo noibumbun kon 27.000 in intau kon sigad monia. Ki Benhadad in noḷagui doman minayá in kotá tatua bo nogadop kon tobatú baḷoi kon gopot dotá in bonunea.

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 24:17

Indongogaidon, ei bayongan in intau kon dunia! Kodoḻiokan, poyogaḷap bo potait mogoḷatdon mako kon i monimu.

YESAYA 24:18

Intau inta moḷagui nongkon kodoḻiokan in moibonubí kon poyogaḷap, bo intau inta diá kodomokan in poyogaḷap moibaaḷbí kon potait. Uyan morogot in moḷabúbí nongkon ḷangit, bo apad in butá in modandúbí.

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YEREMIA 11:23

Akuoi in nonantúdon kon wakutunea mopoangoi in bodito kon intau mita in Anatot, bo aka moiangoidon in hukuman kon i monia tua yo diábí tobatúmai in kotaḻiban.”

YEREMIA 16:16

Ki Tuhan in noguman, “Akuoi in mogoiníbí kon nobarong in mododomok kon toyá sin modomok kon intau mita tanaa. Onda intua mogoiní in Akuoi kon mogogungkú sin mogaḷow kon i monia kon bayongan in buḷud bo tombuḷudnea, bo kon angob mita in tombuḷud batu.

YEREMIA 23:12

Tuamai, daḷan monia in morondogbí bo mosindip, dá moipintud in mosia bo moḷabú. Akuoi in mopoangoibí in bodito kon i monia, aka moiangoidon in wakutunea mohukum kon i monia. Akuoi, ki Tuhan, ain nosingog.

YEREMIA 46:21

Nodapot in tontara mita inta sinoko tondanannea in diádon mokopongonu nádon ki adí in sapi inta noiḻiudon in ḷongó. Mosia in diádon mokotongod. Komintan momurow bo moḷagui sinbá mosaḷamat. Singgai pohukuman kon i monia in noyaputdon; wakutuneadon mosia koantugan in bodito.

YEREMIA 49:8

Ei intau inta nogutun kon Dedan, pomurowdon bo poḷagui! Bayádon pogadop. Akuoi in morimumudbí kon buí i Esau, sin wakutuneadon Akuoi mohukum kon i monia.

YEREMIA 50:24

Ki Tuhan in noguman, “Babel, sinayowanmu in Akuoi, tuamai iko in noibaaḷ kon potait inta sinaan-Ku kon inimu, táe diábí kinomangaḻeanmu intua.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEREMIA 51:18

Berhala mita tatua diá in boḻinea, patusbí rebegon bo singkuḻeon. Aka moiangoidon in wakutunea, moyopúbí in mosia.

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

OMBAḶ 3:47

kami in kinoantugan in bodito bo kinorimumudan, bo nobiag kon bonu in anib bo ondok.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

AMOS 5:19

Kaadaannea in naonda bo intau inta noḷagui kon singa, táe noyodungkuḷ in beruang. Andeka naonda bo intau inta nobui kon baḷoi bo nopotungkud in ḻimanea kon dinding, bo sinobak in uḷag!

MIKHA 7:4

Inta totok in mopia bo inta totok in motuḻid nongkon i monia naonda bo bonganga inta diá in mangaḻenea. Noidapotdon in wakutunea ki Allah in mohukum kon i umat-Nea ná inta ain pinotoingat-Nea kon i monia pinongin in nabi-Nea mita. Tanaa in nomukádon in kinotombaukan kon sigad monia.