YEREMIA 48:27 - Alkitab Singog In Mongondow Masa In Tanaa

²⁷ Sin intau in Israel koḻipod in kinosingan in Moab bo inouman magí mako naonda bo mosia in kinotambakandon noyotakin in mononakow mita?

YEREMIA 48:27 Mawu Ofanana

AYUB 16:4

Aka kuma bo moiko nion in akuoi, bo akuoi in moiko, dá motaaubí doman in akuoi mosingog ná tatua. Yagi-yagidon in singogonku; totokbí in momombiḻing akuoi.

MAZMUR 44:13

Pinotaḷui-Mu in umat-Mu totuu moompá in boḻinea, bo diá nokouḻí kon kauntungan onu bo onu.

MAZMUR 64:8

Táe ki Allah in nopopiotbí in piot-Nea kon i monia, bo indoianmai notompaḻí in mosia.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 2:26

Ki Tuhan in noguman, “Naonda bo mononakow inangoian in oyá naonda in kinodomokan, natuata in moiko komintan in mooyábí doman, ei intau in Israel, datu mita bo intaumu mita moḷoben, imang mita bo nabimu mita!

OMBAḶ 1:12

“Ei intau mita inta tumaḻib kon daḷan, indoiai bo taridiai! Oyúon degá in roriga inta ná kobogat in rorigaku tanaa, sikisa inta pinopoantug i Tuhan kon inakó, popisí in torú-Nea inta moḷoben totok tua?

OMBAḶ 1:7

Naonda in norumbun bo nororiga, Yerusalem in nokotorop kon singgainea dungkuḷmai, kon dodai in nobarongpa in kapunyaan; bo naonda in kinoḷoḷabú in intaunea kon bonu in kawasa in musung, bo diá tobatúmai in intau in namangoi notuḷung. Saturunea mita in tongábí kinumosing in nokoontong kon kinorumbunannea.

YEHEZKIEL 25:8

Ki Tuhan Inta Totok in moḷantud in noguman, “Moab in noguman kon Yohuda tua in notongkai in bangusa mita ibanea.

YEHEZKIEL 35:15

ná kinososanang in gina monimu kon dodai in nokoontong kon Israel kapunyaan-Ku nobaḻí noingongow. Buḷud mita in Seir, nodapot in sinangkub in butá in Edom in mobaḻíbí moingongow. Dá bayongan in intau in monotaaudon kon Akuoibí in ki Tuhan.’ ”

YEHEZKIEL 36:2

‘Kon tungkuḷ in bangusa mita kon diugmai nonubu poḷat nogagow kon i monimu, mosia in noningkuḻedon kon sinangkub in Israel. Takin pia in gina mosia in noguman kon tanaa in tombuḷud dungkuḷmai tatua nobaḻí kapunyaan monia. Tuamai, ei buḷud mita bo tombuḷud mita, tapá mita bo ḷopá, ei kotá inta ain nobaḻí apug bo inta sinaḷáandon in mogogutunnea poḷat doman pinogagowan bo siningkuḻe in bangusa mita kon diugneamai, indongogaidon onu in pinoguman i Tuhan Inta Totok in moḷantud kon inimu: Kon dodai in sinumagab in torú-Ku, sinorúan-Ku in bangusa mita inta kon diugmumai ḷontúnea kon tua in Edom, popisí in takin pia in gina bo takin doman aid moningkuḻe, ain nogagow kon butá-Ku bo nogagow kon rawang mita in bonoknea. Tanaa in tumorú in Akuoi popisí in bangusa mita tatua in noningkuḻedon totok bo nopoompámaidon kon i monimu.

ZEPANYA 2:10

Natuata in intau in Moab bo Amon hukumon popisí in koḷoḷatú bo kododia monia, bo popisí in mosia ain noningkuḻe kon umat i Tuhan Inta Totok in mokawasa.

ZEPANYA 2:8

Ki Tuhan Inta Totok in mokawasa in noguman, “Dinongog-Kudon in bangusa mita in Moab bo Amon noningkuḻe bo nongempeng kon umat-Ku. Mosia in umambungangaḷ kon mogagow kon butá in umat-Ku.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

MATIUS 27:38

Kon tua oyúon doman in doyowa intau mononakow inta pinopopakú doman kon kayu pinoyotaḻempang noyotakin-Nea, tobatú kon dotá in koḷanan, bo tobatú kon dotá in koḷoigi-Nea.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.