YEREMIA 48:26 - Alkitab Singog In Mongondow Masa In Tanaa

²⁶ Ki Tuhan in noguman, “Popoḷoḷangudon in Moab, sin dinumodia in sia kon i-Nakó. Sia in monangkuḻitodbí kon totukanea, bo kinosingan in intau.

YEREMIA 48:26 Mawu Ofanana

AYUB 15:25

Natuata in nasib in intau inta monayow kon i Allah, bo inta mokobaḻí moḷawang kon i Inta Totok in Mokawasa.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 2:4

Nongkon ḷoḻitúan pomomarentaan-Nea kon soroga ki Tuhan kinomosing bo moningkuḻe kon tomayá monia.

MAZMUR 59:8

Mosia in tantúbí monigid bo moningkuḻe; tosingogon monia in moḷanit naonda bo kedang, kai monia kamai diábí in mokodongog.

MAZMUR 60:3

Iko in nondoí kon inami, o Allah, bo nopomayá mako kon inami sinaḷow. Iko in sinumorú kon inami; tanaa in tompiadon bui in kami.

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

IḶUAIAN 5:2

“Ki ine in ki Tuhan tua?” iḻibó i datu. “Nongonu sin pandungonkubímai in Sia bo mobogoi kon bangusa Israel mayá? Diábí kinotaauanku in ki Tuhan tua, bo intau mita Israel in diábí ogoiku mayá.”

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

YESAYA 10:15

Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 19:14

Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

YESAYA 28:8

Meja monia in nopuḻingdon in totuka, nodapot in diádon in tampat modarit.

YESAYA 29:9

Tantúdon umuran moherangmai bo momilog naonda bo intau bilog! Koḷoḷangudon, táe deemanbí popisí in nonginum kon anggur. Bayádon diá moipape magí mako, táe deemanbí popisí in nonginum kon arak.

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

YESAYA 63:6

Kon bonu in torú-Ku inta dumoko-dokot, irita-ritakan-Ku in bangusa mita; Iyopú-Ku in mosia, bo dugú monia in pinobutak-Ku kon butá.”

YEREMIA 48:39

Moab in norimumudon totok. Totok in nooyá in Moab! Nongombaḷ in sia sin siningkuḻedon bo nobaḻí kokosingan in bangusa mita kon ḻibuneamai. Akuoi, ki Tuhan, ain nosingog.”

YEREMIA 48:42

Moab in morimumudbí bo diádon naonda bo bangusa tobatú, sin mosia in dinumodia kon i-Nakó.

YEREMIA 50:29

Ki Tuhan in noguman, “Potabádon in momomiot monubu kon Babel. Pokipiotaidon in intau mita inta mongotaná momiot. Kopungdon in kotá tatua bo dikadon pomayá mako in intau tobatúmai in mokoḷagui. Tuḻíaidon in bayongan oaidnea bo popoaidon kon inia podudui in aidnea, sin sia in nopoaidon in inta mokotor kon i-Nakó, Inta Totok in motusi, Allah in Israel.

YEREMIA 51:39

Bo ibog monia mokaan in moḷobendon totok, Akuoi in mosadiabí kon pongaanan monia, bo poḷoḷanguon-Ku in mosia bo mopusing moidapot in moḷoḷot bo diádon mopobango-bangon bui.

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YEREMIA 51:7

Babel inta koina in naonda bo galas buḷawan inta kinadaian-Ku bo nokopopisí kon bayongan inta kon dunia noḷoḷangu. Bangusa mita in nonginum kon anggur nongkon galas tatua, dá mosia in nobaḻídon nobundai.

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

OMBAḶ 3:15

Tongábí inta mopait in inogoi-Nea kon inakó nobaḻí kaanon bo oinumonku.

OMBAḶ 4:21

Ei bangusa in Edom bo Us, kosingdon mako, koḷungangadon, kon dodai in motaaupa! Bodito in moiangoibí doman kon inimu bo popisí in moḷoḷangu dá iko in momilangbí doman kon awakmu.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

DANIEL 8:10

Tungoi tatua in kodugang-kodugang in koḷobennea nodapot in tugatdon ponayow kon tontara in soroga tuata in tundi mita, nodapotbí in tongonumai in kon sigadnea pinogambatnea kon butá bo totok in iruntainea.

NAHUM 3:11

Ei Niniwe, iko in togopuḷongonbí doman popisí in noḷoḷangu. Iko in moḷongasibí doman sinbá moiḷagui nongkon musungmu mita.

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

TESALONIKA 2 2:4

Takin kaḷakuang sia in moḷawang bo dumodia kon bayongan inta sinumba in intau, ande bayongan ilah inta inanggap in intau ki Allah. Modapot in sia ḻimitú kon bonu in Baḷoi i Allah bo mongaku kon sia tua kain in ki Allah.

WAHYU 16:19

Kotá inta moḷoben tatua nobotak nosilai toḷu nosilai, bo norimumudon doman kotá mita in bayongan negara kon dunia inta diá nonotaau kon i Allah. Bo kinotoropandon i Allah in Babel, kotá inta moḷoben tua. Bo pinoinumdon i Allah in anggur nongkon palo anggur i Allah – tuata anggur torú-Nea inta moḷoben totok.