YEREMIA 48:12 - Alkitab Singog In Mongondow Masa In Tanaa

¹² Táe, oyúonbí in wakutunea potabá-Ku sinbá Moab in butakon naonda bo anggur, bo tampatnea mita in kosongan bo botakon.

YEREMIA 48:12 Mawu Ofanana

MAZMUR 2:9

Mosia in putoḷonmubí in tungkud uatoi bo ḷosionmu naonda bo kuyon butá.’ ”

YESAYA 16:2

Intau mita in Moab nogoḷat kon bingkí in Ongkag in Arnon sindaḷan maya-mayá takin notoboḻingo naonda bo ḷagapan inta inuntun nongkon pugadnea.

YESAYA 30:14

Moiko in morimumudon naonda bo kuyon butá inta morumog posirarit, dá kon sigad in rimumudannea diádon in motaau pakéon pogamá kon baga nongkon doḷuong andeka ponayuk kon tubig nongkon bonu in bak.”

YEREMIA 14:3

Bobantung mita in intau nooyúon pinoki tayakan magí mako in tubig; mosia in minayá noindoi kon bayongan in parigí táe tubig in nodaitdon komintan. Diádon in bonu in kendi inta dinia bui mangoi monia. Takin ḻia-ḻiaw in gina bo kinobuḻian in kamang nooyá in mosia bo nomompon kon pogot.

YEREMIA 19:10

Onda intua ki Tuhan in nopotabá kon inakó noḷosi kon kendi tatua kon tayowon in intau mita inta dinumudui kon inakó.

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 48:11

Ki Tuhan in noguman, “Nongkon koḻipodpabímai Moab in nobiag noaman. Diápabí kon dodai in onda in sia inakut pinobayá in pinoḷumbúan. Sia in naonda bo tubig in anggur inta pinomayá mako in sinumonop bo diá dodai in onda in binonu kon tampat in anggur ibanea. Anggurnea in norongingipa bo mopia.

YEREMIA 48:13

Moab in mokudaibí kon Kamos, dewa monia, naonda bo intau in Israel nokudai in gina monia kon Betel inta pinongata monia tua.

YEREMIA 48:15

Moab bo kotánea mita in irimumudon, bo intau mita moguodnea inta mongopia ain iḻimod. Akuoi in nosingogdon. Akuoi in datu, Tuhan Inta Totok in mokawasa.

YEREMIA 48:38

Kon tudu mita in atop in baḷoi bo kon rawang mita tongádon kodongogan in ombaḷ. Sin Moab ain iḷosi-Ku naonda bo tampayang inta kinodoí.

YEREMIA 48:8

Bayongan in kotá in morimumudbí, diábí tobatúmai in kotaḻiban. Ḷopá bo oyuknea komintanbí yompaton. Akuoi, ki Tuhan, ain nosingog.

NAHUM 2:2

Totuu, ki Tuhan in mopoguḻitbí bui in kogogaga in Israel, sinbá mobaḻí bui ná dungkuḷmai, kon tungkuḷ in diápa pinogagowan in musungnea mita.)