YEREMIA 48:10 - Alkitab Singog In Mongondow Masa In Tanaa

¹⁰ Kinutukdon in intau inta diá totu-totuu nopobayá in oaidan nongkon i Tuhan. Kinutukdon in sia inta diá norabut kon pitow bo noḻimod.

YEREMIA 48:10 Mawu Ofanana

DATU MITA IMITÁNEA 20:39

Naonda in ki datu noitaḻib, nabi tatua in nomaḷú kon inia, “Tuang datu Inta Momulia, kon tungkuḷ in akuoi moparangmai kon tampat popoparangan, tontara tobatú in nodia mangoi kon inakó in musung inta kinodomokan. Tontara tatua in noguman, ‘Ḷukadaipa in intau tanaa kopiaan. Aka moḷagui in sia, yo iko in musti ḻimodon ponoḻiu kon inia andeka mobogoi in doit saḷaka 3.000.’

DATU MITA IMITÁNEA 20:40

Táe noiduduimai kon tua naonda in akuoi nobarong in oaidan, intau tatua in nokoḷagui.” Ki datu in notubag, “Iko in nopoḷabúdon in hukumanmu tontaní. Iko in mustibí mobaba tontaní.”

DATU MITA IMITÁNEA 20:42

Dá ki Nabi tatua in nogumandon kon i datu, “Naadon inta pinoguman i Tuhan: ‘Intau inta pinoki ḻimod-Ku aindon biniómu mako in minayá. Tuamai iko in mustibí matoi mobaḻí toḻiunea. Tontaramu in morimumudbí popisí in pinomayámudon mako in musung noḷagui.’ ”

DATU MITA 2 13:19

Sinumorú in ki Elisa bo noguman, “Sabanarnea iko in mondodotbí moidapot in koḻima andeka koonom, dá korimumudanmudon in bangusa in Siria. Táe tanaa iko in monaḷowbí kon inia tongá moidapot in kotoḷu.”

YEREMIA 11:3

Akuoi, ki Tuhan Allah in Israel, mongutuk kon i inekabí inta diá motoindudui kon sarat mita in dodandian-Ku tatua.

YEREMIA 47:6

Moiko in momaḷú, ‘Modapot in toonu iko in monubu, ei pitow i Tuhan? Tungkogdon kon gumámu bo kibio-biómaidon kon tua kaasí!’

YEREMIA 47:7

Táe motaau degá in sia kibio-biómai, aka Akuoi momarenta kon inia monubu kon Askelon bo intau inta nogutun kon bingkí in pintad?”

YEREMIA 50:25

Baḷoi pototagúan-Ku kon pakakat in parang-Ku ain binukatan-Ku, bo takin torú pinoḷuai-Kudon in pakakat mita in parang tatua, sin Akuoi in Tuhan Inta Totok in moḷantud musti mopobayá in oaidan-Ku kon Babel.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YOSUA 10:19

“táe moiko in dikabí mogogai kon tua. Aḷowaidon turus, bo tubu in mosia nongkon tumi; dika pomayá mako in mosia tumuot kon kotá mita monia! Ki Tuhan Allahmu ain nobogoi in kauntungan kon i monimu nongkon i monia.”

HAKIM MITA 5:23

“Kutukdon in Meros, bo intau inta nogutun kon tua,” guman in malaekat i Tuhan “sin mosia in diá namangoi notuḷung nobaḻí pahlawan inta nogaid kon onu in pinoki aid i Tuhan.”

SAMUEL 1 15:3

Dá bayá bo tubudon in intau in Amalek bo rimumudon in bayongan kapunyaan monia. Dikabí taḷaanmai in onuka; ḻimodon in bayongan intau ḷoḷaki, bobay, mongoadí mita bo adí mointok; takin doman sapi, domba, unta bo keledai.”