YEREMIA 47:7 - Alkitab Singog In Mongondow Masa In Tanaa

⁷ Táe motaau degá in sia kibio-biómai, aka Akuoi momarenta kon inia monubu kon Askelon bo intau inta nogutun kon bingkí in pintad?”

YEREMIA 47:7 Mawu Ofanana

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 13:3

Ki Tuhan ain nogoiní kon intau mita inta ain sinokopiḻí-Nea. Mosia in motorindog, mopirisaya kon ropot monia bo motaau pongata. Ki Tuhan in nopotabá kon i monia mohukum kon intau mita inta kinotugatan in torú-Nea.

YESAYA 37:26

Diápa degá nokoimontanmai iko in nokodongog kon bayongan intua ain sinomayá-Ku nongkon dungkuḷmai? Bo tanaa in aidan-Ku intua. Akuoibí inta nobogoi kon inimu in kawasa morimumud kon kotá mita inta dininding nobaḻí dongka rumbunnea.

YEREMIA 48:10

Kinutukdon in intau inta diá totu-totuu nopobayá in oaidan nongkon i Tuhan. Kinutukdon in sia inta diá norabut kon pitow bo noḻimod.

YEHEZKIEL 14:17

Dika-dika popoangoi-Ku in parang kon butá tatua, bo popoangoi-Ku in ḷoḷutam mita inta motoyang sin moyopú kon intau bo mahaḷuk.

YEHEZKIEL 21:14

Yo, intau ilo-ilow, ponoḻindapdon. Tokapdon in ḻimamu, saḷaku tomponuot kon kedang tatua in momangkoidon moḻimod. Kedang tatua in totokbí in mokoondok.

YEHEZKIEL 21:30

Ei intau in Amon, tungkogdon bui in kedangmu! Moiko in sisigan-Kubí kon tampat pinomaḻían kon i monimu bo pinononggadían.

YEHEZKIEL 21:9

“Ei intau ilo-ilow, ponoḻindapdon! Potaaudon kon intau mita kon Akuoi, ki Tuhan in nogumandon nanaa, ‘Oyúon in kedang tobatú, kedang inta inatá bo iḷanitan.

YEHEZKIEL 25:16

Tuamai in potaau-Ku kon Akuoi in monububí kon intau mita in Pilistin bo moyopú kon i monia. Batúan in intau inta kiagatnea kon butá in Pilistin in ḻimodon-Kubí.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

MIKHA 6:9

Totuubí kon mobijaksana aka motoguondok kon i Tuhan. Sia in nomaḷú kon intau inta nogutun kon kotá, “Indongogaika, ei moiko inta noyosipun kon kotá!

SAMUEL 1 15:3

Dá bayá bo tubudon in intau in Amalek bo rimumudon in bayongan kapunyaan monia. Dikabí taḷaanmai in onuka; ḻimodon in bayongan intau ḷoḷaki, bobay, mongoadí mita bo adí mointok; takin doman sapi, domba, unta bo keledai.”