YEREMIA 47:5 - Alkitab Singog In Mongondow Masa In Tanaa

⁵ Intau in Gaza kinoantugan in robonoḷ in gina moḷoben; intau inta kon Askelon in kibio-biómaidon. Modapot in toonu intau in Pilistin inta oyúonpa umuran mononogumatoi?

YEREMIA 47:5 Mawu Ofanana

DATU MITA IMITÁNEA 18:28

Nabi mita tatua in nosambayang bo kinodugangandon in ropot in singog monia. Bo ná inta biasamai aidan monia, mosia in moponggaresdon in pitow bo pandong kon awak monia dá dugú in mototaitdon.

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YEREMIA 16:1

Ki Tuhan in noguman bui kon inakó, kai-Nia,

YEREMIA 16:6

Intau nooyúon bo nobogá kon butá tanaa in matoi bo diábí in moḷobong kon i monia. Diábí tobatúmai in intau in rumoriga andeka mokiḷogat in uḷunea saḷaku tomponuot nonogumatoi kon i monia.

YEREMIA 41:5

namangoidon in intau waḷu nopuḷú nongkon Sikhem, Silo bo Samaria. Mosia in nongarugdon kon tampeng, nomerak kon ḷambung, bo nonongkekeb kon awak monia. Mosia in nodia kon gandum bo kamania sin posumba kon Baḷoi i Tuhan.

YEREMIA 47:1

Kon dodai in datu in Mesir diápa nonubu kon Gaza, ki Tuhan in nogumandon kon inakó soaḷ butá in Pilistin.

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

YEREMIA 48:37

Mosia komintan in nongarugdon kon buok kon uḷu bo tampeng, nonongkekeb kon kokaḷ, bo nogidaingdon in karong nobaḻí tomponuot kon norobonoḷ in gina.

YEHEZKIEL 25:16

Tuamai in potaau-Ku kon Akuoi in monububí kon intau mita in Pilistin bo moyopú kon i monia. Batúan in intau inta kiagatnea kon butá in Pilistin in ḻimodon-Kubí.

YEHEZKIEL 7:18

Mosia in mopomaké in kaeng karong bo bayongan in awaknea in gumugurbí. Uḷu monia in ḷogatanbí bo mosia in pokopooyáanbímai.

IMAMAT 19:28

Dika momai-maismai kon kuḻitmu sin momia kon tanda mita ande monompaḻí kon awakmu sin mobaḻí tanda mobaḷu kon intau minatoi. Akuoi in ki Tuhan.

IMAMAT 21:5

Imang tobatú diábí motaau tongá monggonsing kon tongosilai in buoknea bo diá doman motaau monggonsing kon kuminea ande monompaḻí kon awaknea takin ḷanit sin moponiata kon sia in koyogot kinopatoian.

MIKHA 1:16

Ei intau in Yohuda, gonsingaidon in buokmu mobaḻí tomponuot kon pinonogumatoian kon adí mita monimu inta kinotabi monimu. Karugaidon in uḷumu modapot in moḷogat naonda bo ḷagapan mokokaan kon mahaḷuk minatoi, sin ki adí mita monimu in akuton kon poḷumbúan.

MARKUS 5:5

Doḷom singgai in sia modondaḷoi kon poḷoḷobongan bo kon buḷu-buḷudannea, sindaḷan kumarak bo awaknea in tongkekebannea in batu.

ULANGAN 14:1

“Moiko nion in umat i Tuhan Allahmu. Dá aka oyúon in kinopatoian, dikabí in moiko monompaḻí kon awak ande mokibangkuḷug in buok kon dotá in pogotmu ná oaid in bangusa mita ibanea.

HAKIM MITA 1:18

Ki Tuhan notuḷung kon intua in Yohuda dá kinoagowan monia in butá kon buḷud. Táe diá kinoagowan monia in Gaza, Askelon ande Ekron bo butá mita kon diugneamai, sin bangusa mita inta nogutun kon bingkí mita in tubig oyúon in kereta mita in parang inta pinomia nongkon uatoi; tuamai intau mita in Yohuda in diá nokopoguntun kon i monia.