YEREMIA 44:9 - Alkitab Singog In Mongondow Masa In Tanaa

⁹ Degá kinoḻiongandon monimu in bayongan aid moraat inta inaidan in mogoguyangmu kon butá in Yohuda bo kon daḷan mita kon kotá in Yerusalem, in datu mita in Yohuda bo i buḷoi mita monia, bo moiko doman takin ki buḷoi monimu mita?

YEREMIA 44:9 Mawu Ofanana

YEREMIA 44:21

“Degá kai monimu kamai dá ki Tuhan in diábí nonotaau andeka nokoḻiongdon kon kuruban mita inta pinosumba kon kotá mita in Yohuda bo kon daḷan mita in Yerusalem in mogoguyangmu, in datu mita bo in pojabatmu mita, takin rayat kon butá tanaa bo takin doman moiko tontaní?

YEREMIA 7:10

Naonda intua komintan inaidan monimu, moiko in mamangoi kon tayowon-Ku kon naa kon Baḷoi-Ku tontaní, bo moguman, ‘Moaman in kami!’ Onda intua moiko in mongingguputdon in mogaid kon inta moromú tua.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.