YEREMIA 43:7 - Alkitab Singog In Mongondow Masa In Tanaa

⁷ Mosia in noḷawang kon parenta i Tuhan, bo minayá in Mesir nodapot in kotá in Tahpanhes.

YEREMIA 43:7 Mawu Ofanana

DATU MITA 2 25:26

Dá bayongan in rayat in Yohuda, nooyúon andeka inta nobogá, noyotakin in porwira mita noḷagui kon Mesir sin noondok kon intau in Babel.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

YESAYA 30:2

Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir.

YESAYA 30:4

Umpaka totabá mita in Yohuda ain noiyaput kon kotá mita in Zoan bo Hanes kon Mesir,

YEREMIA 2:16

Ei Israel, buokmu in ginonsingan in intau in Mempis bo Tahpanhes.

YEREMIA 41:17

Mosia in noondokdon komintan kon intau in Babel, popisí in ki Ismael ain noḻimod kon i Gedalya inta dinuí i datu in Babel nobaḻí gubernur kon butá tatua. Dá, noḷagui in mosia minayá in Mesir. Kon yuak in daḷan, nogogai in mosia kon Kimham kon diug in Betlehem.

YEREMIA 42:21

Tanaa in pinotaaukudon in koyow in Tuhan Allah naton kon inimu, táe moiko in doíbí dinumudui kon koyow tatua.

YEREMIA 44:1

Ki Tuhan in nosingog kon inakó soaḷ bayongan in intau in Israel inta nogutun kon Mesir, inta kon kotá in Migdol, Tahpanhes, Mempis, bo kon butá kon dotá in toḷatan.

YEREMIA 44:24

Bo pinotaauku kon bayongan in intau tatua, muna-munamai kon bobay mita, kon ki Tuhan Inta Totok in mokawasa in noguman nanaa kon intau mita in Yohuda inta nogutun kon Mesir, “Moiko bo ki buḷoimu mita in nongibotdon kon i Bokí in Soroga kon moiko in motubá kon kuruban bo moposumba in anggur kon inia. Dandimu tatua in inintompodandon monimu. Dá, mopiadon! Aidaidon onu inta ain dinandi monimu tua!

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!

YEHEZKIEL 30:18

Kon dodai intuata imbuitan-Kudon in pomarentaan in Mesir bo gamáan-Ku in kawasanea tatua inta nokoyunggagá kon inia, Tahpanhes in kokoḷobanbí in sindip bo bobaynea mita in dakopon.