YEREMIA 43:5 - Alkitab Singog In Mongondow Masa In Tanaa

⁵ Ki Yohanan bo bayongan in porwira tatua in nodia minayá in Mesir in bayongan in intau inta oyúonpa kon Yohuda, bo bayongan doman intau inta ain nobui nongkon butá ibanea inta kinoraritan monia.

YEREMIA 43:5 Mawu Ofanana

DATU MITA 2 25:22

Nopaḷut mako kon tua ki Datu Nebukadnezar in noduí kon i Gedalya ki adí i Ahikam ki ompu i Sapan, nobaḻí gubernur kon Yohuda sin momarenta kon bayongan in intau inta nogutunpa kon tua.

YEREMIA 40:10

Pogutundon kon kotá mita inta koibog monimu, bo kumudungdon in mosipun poḷat motagú kon anggur, bungai mita in ayop bo ḷana in zaitun. Akuoi tontaní in mogutunbí kon Mizpa bo mobaḻí toḻiu in rayat aka intau mita in Babel mamangoi.”

YEREMIA 41:10

Onda intua ki Ismael in nodomok kon adí mita bobay i datu bo bayongan in intau mita inta oyúonpa kon Mizpa inta ain inogoi i Nebuzaradan kon bonu in kawasa i Gedalya. Dinakop i Ismael in mosia bodongka nobuat minayá takin i monia nopobayá ná butá in Amon.

YEREMIA 41:17

Mosia in noondokdon komintan kon intau in Babel, popisí in ki Ismael ain noḻimod kon i Gedalya inta dinuí i datu in Babel nobaḻí gubernur kon butá tatua. Dá, noḷagui in mosia minayá in Mesir. Kon yuak in daḷan, nogogai in mosia kon Kimham kon diug in Betlehem.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.