YEREMIA 43:12 - Alkitab Singog In Mongondow Masa In Tanaa

¹² Akuoi in mopoyongkitbí in tuḷú kon kuil mita in dewa mita in Mesir, bo ki datu in Babel in momokakbí kon patong mita in berhala bo kuil mita andeka akutonnea pobayá in butánea. Naonda bo gombala tobatú mondarit kon pakeangnea nongkon kutu, natua doman in datu in Babel in monimpat mokopodarit kon Mesir bodongka mobuat bui takin diábí in monuyayow kon inia.

YEREMIA 43:12 Mawu Ofanana

SAMUEL 2 5:21

Tontara mita in Pilistin noḷagui poḷatdon diá kinodiaan monia in bayongan patong mita berhala monia. Patong mita tatua in ginamá i Daud bo in intaunea mita.

ESTER 6:9

Intau moḷoben kon negara nongkon golongan in intau moḷoben in musti mopoḷutud in ḷambung tatua kon intau inta horomaton i Tuang tua, bo tumakin kon intau tatua kotako-takoi kon kabaḷo i Tuang mongin rawang in kotá. Intau moḷoben tatua in mayá kon munanea sindaḷan momaḷú, ‘Nanaa in aid i datu mobogoi in ponghargaan kon intau inta ihoromatnea!’ ”

AYUB 40:10

Ḷambáaidon in awakmu in kaoyúonan bo tangoi moḷantud, pakédon in koagungan bo kololuhur.

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

MAZMUR 132:16

Imangnea mita in mopoontongbí in kasaḷamatan nongkon i-Nakó; umatnea in modondongbí bo monggiow pia in gina.

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

YESAYA 21:9

Indoiaidon, tuata in mosia! Tontara inta sinumakoi kon kabaḷo inta namangoi tumododoyowa. Onda intua moḷoḷukad tatua nopotaau, “Babel ain noḷabú! Patong mita inta sumbaanmai monia norimumud positabud kon butá.”

YESAYA 46:1

Naa in kopaḷutan in dewa mita in Babel; dungkuḷmai patong i Bel bo i Nebo sinumba, táe tanaa in dinatogdon kon ḻikud in bobiagon, nobaḻí dodiaan in bobiagon inta moḷopí.

YESAYA 46:2

Patong mita tatua in diábí mokotuḷung kon momotaannea, mosia tontaní in inakut nobaḻí inta dinakop. Tuata in kopaḷutan monia.

YESAYA 49:18

Indoiaidon bo bobuidon in kon ḻibumumai, rayatmu in nosipundon bo mamangoi kon inimu. Podoyon kon tangoi-Ku, Allah inta nobiag, Akuoi in moguman, Totuu, mopiabí in ginamu sin intau inta nogutun kon inimu, naonda bo nonikaan bobay mopia in ginanea popisí in ḷambánea.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YESAYA 59:17

Sia in mopomaké in koadilan bo kasaḷamatan nobaḻí ḷambung uatoi bo sapoyo uwaja. Sia in moḷongasi mopoguḻí kon kaadaan bo motuḻí kon aid diá moadil.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 61:5

Ei, bangusaku, intau ango-angoi in mobantungbí kon i monimu; mosia in moḷukadbí kon bobiagonmu bo mononggobá kon gobá tudunea takin doman gobá in anggurmu.

YEREMIA 10:11

Moiko, ei umat, musti mopotaau kon i monia kon dewa mita inta diá nomaḻí kon ḷangit bo butá tua in yopúonbí. Mosia in moinggamábí nongkon tudu in butá naa.)

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YEREMIA 25:19

Naa in tangoi mita in intau ibanea inta musti monginum nongkon galas in anggur i Tuhan tua: datu in Mesir takin pogawai bo pojabatnea mita; bayongan in intau in Mesir bo intau ango-angoi kon Mesir; bayongan datu kon butá in Us; bayongan datu in kotá mita in Pilistin kon Askelon, Gaza, Ekron; bayongan in intau inta nobiagpa kon Asdod, bayongan intau in Edom, Moab bo Amon; bayongan in datu kon Tirus bo Sidon; bayongan in datu kon bingkí in Dagat Toyuak; kotá mita in Dedan, Tema, bo Bus; bayongan in intau inta nokigonsing kinopoḷok in buoknea; bayongan in datu in Arab; bayongan in datu in suku mita noyobauk inta nogutun kon padang gurun; bayongan in datu kon Zimri, Elam, bo Madai; bayongan in datu kon utuan, noyayú bo nodiug, kon batúannea. Bayongan in bangusa kon sinangkub in dunia musti monginum kon anggur tatua. Bo intau pangabisan inta musti monginum kon anggur tatua in ki datu in Babel.

YEREMIA 43:13

Tugu mita in berhala kon Heliopolis kon Mesir, in rimumudonbí, bo kuil mita in dewa mita in Mesir pokakonbí komintan.”

YEREMIA 46:25

Ki Tuhan Inta Totok in mokawasa, Allah in Israel, noguman, “Akuoi in mohukumbí kon Amon, dewa nongkon Tebe, takin sinangkub in Mesir takin dewa mita bo datunea mita. Datu in Mesir bo bayongan in intau inta mopongata kon inia

YEREMIA 48:7

Moab! Iko in mopongata in kodoḻikot bo kaoyúonanmu. Táe tanaa iko tontaní in taḷowonbí. Kamos, dewamu, takin imang mita bo pojabatnea mita in akutonbí pobayá in poḷumbúan.

YEREMIA 49:27

Dinding mita in Damsyik in turubon-Kubí, bo komaḻig mita in Datu Benhadad in pokakon-Kubí. Akuoi, ki Tuhan Inta Totok in mokawasa, ain nosingog.”

YEREMIA 50:2

“Posindogdon in tomponuot bo potaaudon kon bangusa mita kon Babel in ain noḷabú! Dika bunion in tua! Ki Merodakh dewanea in ain irimumud, bo patongnea mita inta mokotor in nobotak noirarit, takin doman berhalanea mita in totokbí in siningkuḻe.

YEREMIA 51:44

Bel, dewa in butá in Babel, in hukumon-Kubí. Baḻíon-Ku in sia mopobui kon onu inta ain inagownea. Bangusa mita in diá bidon mosumba kon inia. Dinding mita in Babel in norumbundon.

YEHEZKIEL 29:11

Diábí in intau andeka mahaḷuk in tumaḻib kon tua. Kon bonu in opat nopuḷú notaong diábí in intau in mogutun kon tua.

YEHEZKIEL 29:19

Tuamai, Akuoi ki Tuhan Inta Totok in moḷantud in noguman: Butá in Mesir in ogoi-Kubí kon i Datu Nebukadnezar. Sia in mogagowbí poḷat modia kon bayongan in kapunyaan in Mesir mobaḻí tondan kon tontaranea.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

DANIEL 11:8

Kon tungkuḷ in sia mobui kon Mesir, diaanneabí in patong in dewa in musungnea bo pakakat buḷawan bo saḷaka inta ain pinosumba kon i dewa tatua. Tongonumai notaong noiduduimai kon tua diábí in sia monubu kon i datu in butá in utuan.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

EPESUS 4:24

Bo kobiagdon in moiko saḷaku intau mobagu inta pinomia podudui in ibog i Allah, inta moibog dinumudui kon tabiat moitutui, motuḻid bo motusi.

EPESUS 6:11

Bo paké domandon in touḷut in parang inta inogoi i Allah kon i monimu, sinbá moiko in mokotahang in monayow kon bayongan akaḷ in Ibilis inta diá mopia.

KOLOSE 3:12

Utat mita, moiko nion in umatbí i Allah inta ain sinotabi bo piniḻí-Nea mobaḻí kapunyaan-Nea tontaní. Tuamai in musti popoontong doman monimu in totabian, pia in gina, diá motosiḷantud, pososingog moaḷus bo mobahasa kon tumpaḷa intau bo mosabar aka koantugan in roriga.

KOLOSE 3:14

Naa in soaḷ mita inta totok in moponting: Moiko in musti mototabian sin totabianbí tua in mopotobatú kon i utat komintan sahingga in mobaḻí mosompurna.