YEREMIA 43:10 - Alkitab Singog In Mongondow Masa In Tanaa

¹⁰ Bo pogumandon kon i monia kon Akuoi, ki Tuhan Inta Totok in mokawasa, Allah in Israel, in mopoangoibí in mogogundoi-Ku ki Nebukadnezar datu in Babel, kon tampat tatua. Bo kon tudu in batu mita inta iḷobongmu kon butá tatua, posindogonneabí in tampat pomomarentaannea bo mosongká kon ḷoḷaigan in dodatuannea.

YEREMIA 43:10 Mawu Ofanana

DATU MITA IMITÁNEA 20:12

Tubag i Ahab tatua pinotaau kon i Benhadad kon dodai in sia noyotakin in datu mita ibanea inta nobaḻí yobayatnea kon dodai in mosia yogot in nonginumai kon bonu in pinononḷoḷaigan monia. Nokodongogmai kon natua ki Benhadad in nomarenta kon bayongan in porwiranea mita kon mosadiadon monubu kon kotá in Samaria. Dá nosadiadon in mosia.

DATU MITA IMITÁNEA 20:16

Pinonubuan in pinangkoi kon dodai in singgai kon tungkuḷ in ki Benhadad bo datu toḷu nopuḷú bo doyowa inta noyopopognea tatua koyogot in nonginum nodapot in nongoḷoḷangudon kon pinononḷoḷaigan monia.

MAZMUR 18:11

Sia in iḷumayug sinumakoi kon kerub; Sia in ḷumayug kon tudu in koḻikip in tompot.

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

YESAYA 45:1

Ki Tuhan in nomiḻídon kon i Kores nobaḻí datu; sia in sinundú sin monaḷow kon bangusa mita bo momutoḷ kon kawasa in datu mita. Ki Tuhan in momukatbí kon bonawang mita in kotá tuotannea, diábí tobatúmai in pomayá mako moiḻingkop. Ki Tuhan in moguman kon inia,

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEREMIA 43:9

“Pogamádon kon batu mita mongoḷoben, bo ḷobongdon kon bonu in butá kon tayowon in ngara tumuot in baḷoi in pomarenta in kotá tatua. Ḷongasi sinbá intau mita in Yohuda mokoontong kon onu inta inaidanmu tatua.

YEREMIA 46:13

Kon dodai in ki Nebukadnezar datu in Babel namangoi nonubu kon Mesir, ki Tuhan in noguman kon inakó, kai-Nia,

YEREMIA 49:38

Datu mita bo pojabat monia in rimumudon-Kubí, bo kon butá monia posindogon-Kubí in bobangkaḷon-Ku.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

MATIUS 22:7

Bo datu tatua totok in sinumorú. Pinotabánea in tontaranea minayá nomutú kon moḷoḻimod, bo nonurub kon kotá monia tua.